Bolivia markana Tsimani markachirinakaxa Beni departamento uraqinakanpinwa jakasipxirïtana, ukampisa k’achchat k’achhatwa El Jatatal ukja uraqinakaruxa utjantasxapxi, San Borja ukhamaraki Rurrenabaque municipio jak’anakana.
Tsimani originario comunidadaxa Chimán ukhama unt’atarakiwa, yaqa originario comunidadanakat sipanxa markachirinakapaxa jiltaskiwa.
El Jatatal comunidadan jakasiri Tsimane familianakaxa ch’amanchasisipkiwa ganaderonakax uka uraqinakaru mantasikpi San Borja autoridadanakan yanapapampi uka contraxa.
Tito Romero comunarioxa, gananchiwa kunamsa ixwawinaka ganaderonakata katuqapxi uka uraqinakata mistsupxañapataki uka, kunapachati IPS uksankirinakax El Jatatal comunidadaruxa pasiri octubre phaxsina wisit’iri puripkana ukja pachaxa.
Comunidadaru irpiri corregidor, Carmelo Tayo tataxa, niy jaya pachaxiwa kunamsa ganaderonakaxa comunarionak contra uraqinak aparañatakixa iwxawinaka katuqapxi ukhamaraki yapuchapki uka uraqinaksa jark’antasipxi sasawa gananchi.
Corregidor tataxa siwa, Instituto Nacional de Reforma Agraria (INRA) uka uraqinak uñjiri institucionanaxa nanakataki aski askicht’añapa suyasipkta sasa.
Khititixa Director general de Administración de Tierras del INRA uka institucionata, Victor Espinal, jupasti janiwa jichhakamaxa kamskisa uka uraqinakaxa comunarionakaru papelani churataxañaapataki, khitinakatixa niya 60 tunka maranakawa uka uraqinakanxa utjasxapxixa.
INRA institucionaxa febrero phaxsinxa ma censo jakthaphiwi lurawayapxi El Jatatal, ukhamaraki yaqa comunidadan kuna aptawayapxi, qawqa uraqinakas uttjatäna ukhamaraki qawqasa indígena comunarionakanki uk qanañchañataki.
Tsimanes comunidadaxa niya kimsaqallqu waranqa suxta patakanipxiwa (8600) ukampinsa sapurutjamwa jilxataski.(PÚLSAR/IPS)
Audios:
-
Tsimanes comunarinakaxa ganaderonak kuntrawa sayt’asipxi: (1 MB)
