Ecoturismo comunitario ukama amtapiwa tsimane mosetene amazónico comunidadanakana jakasirinakaxa costumbre sarnaqawinakapxa jichhurkama uttjasipkaki Bolivia markanxa.Comunidadana Lucia Canare, dirigentapaxa siwa, Comunitaria Mapajo Ecoturismo Indígena Empresaxa, ukana utjasirinakaruxa yanapt’iwa mä juk’ampi qullqiniña, kunatixa uka na yapuchawinakampixa janiwa sinti sartawix utkaspati sasa. Ukampisa jupanakaxa empresanxa turnutkama irnaqapxi.
Ukampisa proyectunxa warminaka kunawa irnaqapxixa, nayrasti uka comunidadanxa, chachanakakiwa kuna amtawinakarusa puripxänxa.
Warminakasti yatiqawapxiwa suma manqanaka wakicht’aña, phayaña, ukhamaraki motoneta apnaqañanaksa, irpiritsa irnaqañsa.
Chachanakasti, achunaka apthapiri, chllwanaka katuri, frutanaka apthapiriwa ch’uminakatxa sarapxi.
Akja chiqa indígena jila kullakanakana uttjasipxatapa municipionakaxa, Kikiwiy ukja jawira thiyankapxiwa Beni sutiñchata jach’a jawiraru sarxattaniriwa, akjanakarusti jawira tuqiqwa pursnaxa.
Tsimanes ukhamaraki mosetenes jupanakan uttjasiwipaxa Pilón Lajas satawa, 1997 ukja maranwa, Estado Bolivianuxa uka uraqinakaruxa, tierra comunitaria de origen sasa, pusi waranqa kilómetros uraqinakaru uñt’awayixa.
Uka comunidadankirinakaxa, Consejo Regional Tsimane Mosetene ukata uraqi titulunaka katuqapxi taqpachanitaki, pa tunka payani comunidadanakataki, niyasa pa waranqa indígena jila kullanakakataki.
Lucía Canare, dirigenta kullakaxa siwa, comunitario uraqinakaxa represa el Bala uka amtawina jan walt’ayawiwa utjaspa sasa, kunatixa qalapiniwa umampi phuqantatapsa uka uraqinakaxa, ukhamipansti niya waranqa familianakaruwa jan uraqini jaytanukutaspha, sasa. (PÚLSAR/ECOJÓVENES)
Eco Jóvenes
02/11/2012
Audios:
-
Tsimane mosetene markarkanakasti ecoturismo yanapt’ampiwa sartasisipkaki. : 2 min. 55 seg. (5,34 Kb.) archivo mp3 (5 MB)
