Andinos markanakanxa, nayrja pachatpiniwa sawutanaka yänakaxa lurataxa, wali ch’amampi ukhamaraki amuyt’ampi cultura sarnaqawi uñacht’ayañataki luratachispaya, ukhama sasawa ma estudio yatxatäwixa qanañchi, ukhamatapatxa ciencia yatxatawiwa siwa.
Akama amtawiru puritaxa, mistuwa pani kullakanakata jikist’awitha, maysa tuqitxa comunidad Qaqachaka ukankir Elvira Espejo artista kullakampi, ukatxa Denise Arnold antropóloga Anglo-boliviana kullampitha.
Aka amtawisti jikxatasiwa “Ciencia de Tejer en Los Andes, estructura y técnicas de faz de urdimbre”, sat libruna.
Aka irnaqawinsti qanañchiwa, kunjamsa sawuñanakxa nayrjapachatpini Los Andes markachirinakaxa lurapxirïtana uka tuqita.
Ukhamarusa, aka sawutanakaxa uñachayasiwa inglés, francés uka yaqa arunakana qanañchasa, ukhamaraki yaqa chiqa markanakana p’itatanaka, sawutanaka lurapkix ukanakansa.
Denise Arnold kullakaxa siwa, “kunamatï sawuñätaki walichañäki ukaxa mayacht’atawa” taqi sawurinakataki akja markanakanxa, sasa.
Aka librunxa qananchiwa “faz de urdibre” ukama irnaqawixa, janira española jaqinakaxa los andes sudamericano markanakaru purinipkana ukjata pachana lurasiskatapa.
Aka yatiqawixa akamawa, telaranxa, sawu lawanakarusti, kasta kasta, sami ch’ankanakampiwa chinuntaña sawuntañataki, ukxaruwa ch’añkhanakatsti taqi kasta chimpunakampi k’anantapxani, suma k’achacht’ata yänaka apsuñataki.
Elvira Espejo kullakaxa, qanañchiwa andinas comunidadanakanxa “wakicht’awinaka amtawinakapa phuqañatakixa wali respetatawa”, warminakaxa wali aski amuyt’anakampiwa sawutanakapxa wakixcht’apxixa, sasa.(PÚLSAR/IPS)
Audios:
-
Andinos maranakana, sawutanakapaxa ciencia ukhamakaspas ukhamawa: (1 MB)
