Santa Cruz jach’a markaxa niya kimsa millones ukja markachirinakaniwa, ukanwa ayoreo indígena markachirinakaxa utjasipxi, utjasiwipaxa janiwa askikiti, ukasti ma uñacht’awiwa kunamsa ma comunidadana cultura sarnaqawipax chaqayañaspa ukaxa siwa, Luca Citarella Antropologo tataxa.
“Ukhama Santa Cruz markana jiltatapampisti; ayoereoanakaxa janiwa askin uñjatäpkiti markachirinakampixa, jupanaksti callenakana limosna mayisisa, jan aski irnaqawinaka puqasa ukhamana jakasipxi”, siwa, Luca tataxa.
Niya 20 tunka maranakanxa, Bolivar sutini barrionxa markachirinakaxa chikatan chikatanipwa jilxattixa, ujkaruwa ayoreo indigenanakaxa utjasirixa puripxixa.
Ayoreonakaxa janiwa ma ukhanaki utjasipkiti, jan ukjasti sarnaqawiparjamaxa taqi chiqwa jithinaqapxi, aruskipasiña arupxa janiwa chhaqayapkiti, jupanakasti Chaco Boreal ukham sata uraqinakanwa nayratpacha jakasipxiritänaxa.
Jupanakasti uttjasipxiwa achunaka apthapisa, uywanaka jiwayasa, jisk’a yapunaka yapuchasa manqasiñataki, jach’a markanakansti irnaqapxiwa albañilanakjama ukhamaraki quqanaka qurasa k’achachasa utanakana.
Warminakasti, garabatä sata quqa alitwa bolsanaka, collaranaka ukhamaraki isinaka uskusinataki ukhamaraki aljanataki kuna lurapxi.
Santa Cruz markanxa, callenakana, qatunakansa uñjasiwa ayoreo jisk’a wawanakaru ukhamaraki warminakaru artesanianaka aljaskiri.
Ayoreo comunarionakana jach’a markanakankapxatapaxa janiw askikït jupanakatakixa, kunalaykutixa armasxapxañapawa cultura sarnaqawinakapatxa, siwa, antropólogo Citarella tataxa.”Cultura sarnaqawipa armayapxi ukatsi, juk’ampi jan waliwa, ayoreonakaxa jan jaqirjama uñjatäpki ukaxa”, sasa.
Educación yatiqäwi katuqaña, k’umara sarnaqawi utjasiña ukasti, janiwa utjkiti ayoreo comunidadankirinakatakixa jach’a markanakanxa.(PÚLSAR/IPS/ECOJÓVENES)
Audios:
-
Santa Cruz jach’a markasti ayoreo comunidadaruwa chhaqtayaski: (1 MB)
