Akasti, Bolivia markana historia sarnaqawipa uñtawiwa indígena uñtampi. “Apupachakamayu”, sata Asociación de Historiadores Indígenas organizacionaxa, Universidad Mayor de San Andrés, La Paz markata, ukhamaraki amazonía uksa chiqanakat kunanakampi mayachtatawa.
Jose Mollo, historiador tataxa, siwa, organist’asipxtwa siglo XX qallta maranaka, “markasana historia sarnaqawinaka chiqäki uk yayiyañaataki, jani yatiyapki uka historia yatiyañataki.
Ukama historia thaqawinxa jikxtasiwa cacica María Lusa jupana utjawipata, siglo 17 ukja maranakana khaysa europa markanakana.
1990 maransti, Francia markankir ma historiador tataxa, siwa, uka warmisti wali qamasani warminwa sasa.
Ukampisa sarnaqawipata juk’ampi yatxatasaxa, yatisiwa wali chamätana Juan Moya jupampi utjatäna ukaxa.
Pedro Callisaya historiador tatax siwa, “Moya, Lusa ukhamaraki familianakapampixa, wali uraqinakxat ch’axwapxatana, indigenanakampixa”, sasa.
Jupa pachpa historiador tataxa, Mariano Quispe achachilanakapan sarnaqawipxata yatxatatana, periodiconakana khuchutanakata, ukhamaraki ukja pachanakan carlenanakan informenaka lurapxatana ukanak uñakipasina.
Ukansti jikxatatanawa, kunjamsa achachilapaxa ma tama jaqinakampixa 1930 ukja maranakaxa comunarionakaru ullaña qillqaña yatichapxatana, altiplano ukhamaraki valles uraqinakana chuquiagu markana.
Ukamipansti, “comunistata” juchañchatawa carcelaru jist’antata jikxatasipxatäna.
Quispe tataxa, 1993 ukja marawa carcelana jiwatäna. (PÚLSAR/IPS)
Audios:
-
Historiadores Indígenas Asociacionatakixa, “Ma sarawixa, yaqa sarawi jawsi”: (1 MB)
