Wali sum sawuña, p’itaña yatiñaxa Jalq’a comunidadankiri jila kullakanakana Bolivia marnakxa, askin utjasiñatakiwa yanapt’i. Jalq’a markana uka yänaka lurañanakaxa, nayra pachanakatpacha jutatawa Los Andes markanakanxa.
Aka sawuta, p’itata yänakaxa, niyapiniw ch’aqawaxi 1970 ukja pachanakanxa, jan ukhamañapatakisti 1986 ukja maranwa, Fundación para la Investigación Antropológica y el Etnodesarrollo de Antropólogos del Sur Andino (Asur), sata organizacionaxa, irnaqaña jalq’a comunidadanakana qallti.
Organizacionasti irnaqiwa Chuquisaca ukhamaraki Potosí departamentuna, kaukhänti Jalq’a kullakanaka,jilatanaka jasaxipxi uka comunidadanakana.
Jalq’a markachirinakasti, niya pa tunka suxta waranqanipxixa (26 mil), qichwa aru parlasiripxiwa.
Fundacionaxa thaqiwa “Jalq’a p’itata, sawuta yänaka jan chaqañapataki, kunatixa wali wakiskirinakawa”, siwa IPS ukaruxa, Alejandra Lucia, Asur ukana representantipaxa.
Aka amtawimpi phuqasiñapakixa, jach’a mamanakana p’itaña, sawuña yatichawinakapampi ukhamaraki jisk’a imilla wawanakana amparampi lurawinakapampi phuqatawa, lurasiwayi.
Ukhama irnaqawimpisti p’itiri warminakaxa, qullqi apst’asxapxi ukhamaraki familianakaparu, comunidadaparusa yanapt’asxapxiwa.
Jichhasti, 150 p’itirinakampiwa Asur fundacionaxa irnaqi walja comunidadanakanxa, Caraviri comunidadana jikxatasi, taypinkiri irnaqawixa.
Aka p’itanakaxa, pusi waranqa maranaka nayrjapachawa(4 mil años), p’itatanakanxa chimpunakax uñachayiwa kunjamätanasa ukja pachanakana sarnaqawinakapaxa los andes markanakana uka.
Ukhamarusa, comunidadanakana arupakasphas ukhamawa, yatiyisyuwa kunamasa amtawinakapaxa, sarawinakapaxa taqi ukanaka.(PÚLSAR/ECOJÓVENES)
Eco Jóvenes
11/07/2012
Audios:
-
Sawuña, p’itañaxa, indígena markana sarawipa apti. : 2 min. 58 seg. (2,72 Mb.) archivo mp3 (3 MB)
