Achachilanakasan yatichawinakapa qullañ tuqita ukhamaraki ayayu tuqitsti chaqaskiwa Bolivia markanxa, siwa Juan Angel Yujra, antropólogo tataxa. Gobiernuxa ch’amañchaskiwa taqi nayra yatiwinakaxa askina uñt’atañapataki.
Tata Yujraxa, juk’ak juk’atawa qulliri ch’amakani achachilanakaxa tukusiwaxi, siwa, ukampixa chhaqawaxarakiwa nayra costumbre sarnaqawinakaxa Amazonía, Chaco ukhamaraki yaqa chiqanakana Bolivia markanxa, sasawa IPS ukaruxa qanañchi.
Tata Yujraxa, wali yatxatatawa, yatiyiri, antropólogo ukhamaraki yatiri ukhamawa.
Jupasti qanañchiwa, kunapachatï usutanakax qullir doctorar sarapxi ukjasti, doctoranakaxa, usutanakarux yatirimpi uñjayasinipxama sasawa six siwa, ukasti medicina tradicional qullanakampi qullayasiñaxa wali askipmi uñjatawa, sasa.
Ukhamïpansti, Ministerio de Salud Bolivia markanxa, wali ch’amañchixa medicina tradicional qullasiñampi yatiwinakxa.
Viceministerio de Medicina Tradicional e Interculturalidad ukanxa, wakichapxiwa ma kamachi, jani nayra yatiwinakaxa chhaqayatañapataki, ukasti Ley de Sabedurías y Conocimientos Ancestrales, satawa. Aka kamachi wakicht’añatakisti, kauknir markanakantï uka sarnaqawinakax utjaski jupanakar jikst’as wakicht’atawa, siwa.
Alberto Camaqui, viceministro de Medicina Tradicional e Interculturalidad, ukankiri tataxa, waranqa pa pataka pa tunka (1220) ukja médicos tradicionales, parteras ukhamaraki naturistas qullirinakawa qillqantata uktji siwa. Ukhamarusa qillqantataniwa suxta tunka(60) qulla quranaka, sasa.
Constitución Política del Estado Plurinacional Bolivia markana uka jach’a kamachina uñt’ataxiwa, taqi nayra pacha yatiwinaka ukhamaraki costumbresarnaqawinakaxa.(PÚLSAR/ECOJÓVENES)
Eco Jóvenes
26/07/2012
Audios:
-
Nayra quranakampi qullañaxa científico qullañampi chikaskiwa. : 2 min. 46 seg. (2,54 Mb.) archivo mp3 (3 MB)
