Cochabamba, Bolivia markankiri, indígena kullakanakaxa, isi p’itatanaka, sawutanaka lurapxi askina jakasiñataki comunidadanakapana, ukhamaraki yaqa markanakaru aljaña thaqapxi, ukatakisti, artesanunakjamaxa ma organización utt’ayasipxi.
Uka comunidadanakana utjasiri artesano warminakana, chachanakana, irnaqawinakapaxa wali askina uñjatwa, kunalaykutixa nayratpacha yatiqawinakwa uñacht’ayapxi.
Iwija, alpachu, qarwa t’arwampi, ch’ankampi, p’itatanakapa, sawutanakapa, ch’ukutanakapasa, jupanaka pachpana wakicht’ata telaranakampi, qapunakampi, sawunakampi lurt’atawa, ukhamarusa cultura sarnaqawipana amtawinakampampi, chimpunakampi kachachtatawa.
Jupanakasti, utjawip pachpanwa irnaqapxi, t’arwanaksa, ch’ankanaksa, quranakampiwa wali jiwaki saminakxa isinaka lurañataki apsupxi.
Uka jupanakanapachpa lurawinakaxa, familianaka pachpatakikiwa, kunalaykutixa janiwa aljañatakjamakänti.
2005 ukja marata axsaruxa ukaxa askitakiwa turkawaxi, kunakaykutixa utt’ayawapxiwa, Asociacion de Artesanos Andinos ukama sutiñchata organizaciona, pa tapaka (200) kullakanakana ukhamaraki jilata artesanonawa ukankapxixa.
Aka organizacionasti ma tiendaniwa Cochabamba markanxa, taqi artesanunakana p’itata, sawuta, isisnaka,ukhamaraki yaxa yänakanak kuna aljañataki, jukampixa Estados Unidos ukhamaraki Europa markanakaruwa aljañataki apayapxi.
Ukhamarusa, febrero phaxsinxa, paqallqu municipionakanwa pusi provinciana Cochabamba markanxa, ma machaqa amtawiwa qalltawayi, tejidos nativos, p’itatanaka, sawutanakampi irnaqañataki.
Uka comunidadanakanxa,wali pisina t’aqisitakiwa qichwa parliri kullakanaka jilanakawa jakasipxi, janiwa servicios básicos, umatha,k’umarana sarnaqawiña uka tuqitxa utjkiti.
Aka machaqa amtawixa, pisqa pataka pisqatunka phisqani (555) ukja warminakaruwa yanapt’ani 170 mil dólares ukja qullqiniwa 2012 ukhamaraki 2013 maratakixa.
Ukja qullxa Gobernación Regional, ukawa jillpachxa uskti, ukxarusti municipionaka ukhamaraki uka comunidadankiri artesanos kullakanaka, jilatanaka, kimspachan irthapt’atawa, jan jutirinx proyectox inak chaqañapataki.
Proyectusti, yanapaniwa maquiriananakampi, kaukharutï juk’ampi aljasispha mercadunakax uk thaqasa, p’itatanaka, sawutanaka, ch’ukutanaka taqi uka yänakax yatiqatäki nayratpacha uka yatiñanakax jan chaqtayañataki, ukatakisti asistencia técnica ukampiwa yanapani.(PÚLSAR/ECOJÓVENES)
Eco Jóvenes
17/05/2012
Audios:
-
Indígena kullakanakaxa, p’itatanakampiwa askina jakasiñatakixa ch’amañchasipxi. : 3 min. 40 seg. (3,36 Mb.) archivo mp3 (3 MB)
