Jichhurunakasti, Pilcomayo jach’a jawiraxa, sinti jan walt’awinwa jikxatasi, nayrar desarrollo sartawi amtampi, sapxiwa Weenayek markachirinakaxa. “Niya kimsa maranakawa challwanakaxa chhaxtawayxi jawiratxa”sasa.
Pilcomayo jach’a jawiraxa Los Andes ukja chiqanwa yuri Bolivia markanxa, ukatsti 836 ukja kilómetrunaka saraqawayi Paraguay ukhamaraki Argentina markanak chiqa ukamana cuenca del Plana jach’a lamar qutar puriñataki.
Región Autónoma del Gran Chaco ukja uraqinakanxa, weenhayek ukhama sata markawa jakasi, niya paqallqu waranqa jila maranakanixiwa, tunka pisqani waranqa (15) markachirinakaniwa, suxta tunka (62) comunidadanakaniwa.
Weenayek aruxa sañ muniwa, yaqa kasta jaqi. Jupanakasti wali sum challwa katuñxa yatipxi, sábalo, surubí, pacú, dorado, bagre uka challwanaka katuriwa Pilcomayo jawira thiyanakaru familiapampi chika, challwa katu urasaxa qamir sarapxi.
Challwa katutxa, challwa alakipanakaruw aljapxi, jilt’anakasti junakan manqasiñapatakiwa.
Weenhayek markachirinakan jakasipki ura uraqinakansti, plantas tradicionales sata quqa alinaka, uywanaka, ukhamaraki misk’y luriri mamurayanakasa jichha pachaxa juk’aptawaxakiwa.
Ukhamañapatakisti empresarionakawa walipini waca uywanaka anantxapxi ukhamana uraqinaksa taksuyxapxi, janiwa alinaksa altayxapxiti uywanakaxa, ukhamaraki empresanakana gas hicrocarburus satäki ukanaka apsuñaxa, sintipiniwa jilantawaxi, uka lurawinakawa janix walt’axiti uraqiruxa, ukatwa sapxi uraqixa usutaxiwa sasa.
2010 ukja maraxa, Pilcomayo jawiranxa umax phart’awayxiwa, 2500 ukja metros cúbicos uma utjkän ukjatsti, pisintawaxiwa 90 metros cúbicos ukjaruki.
Ukax wali llakkayawa, ukatawa weenhayek markachirinakaxa, Boliviano autoridadanakaruxa mayiwapxi, Paraguay ukhamaraki Argentina markankir jilir autoridadanakapampi parlakipañapa, kunalaykutixa, kunapachatï Pantalón sata proyecto argentino- paraguayo, uk lurasaxa, jupanakasti pantapxatänawa, umxa jaqi yuqinakaruwa irpanukupxatana, ukhamarusa janiwa jawirxa pichxapxatanati ukatawa Pilcomayo jawiranxa umax juk’aptxatäna.
Indígena comunidadaxa, jawirax askin pichsusiñapa, ukhamaraki suman uñjatañapa mayi, ukhamarusa ma Comisión Nacional de Río, sata utt’atañapa mayipxi, taqi autoridadanaka ukankapxañapa, ukhamana taqi kun jan walt’awinaka utjki ukanaka askicht’añataki, Pilcomayo jawiraxa wasitata q’uma jawirañapataki.
Comunidadan irpiri autoridadanakaparjamaxa, janikiwa mä suma amtawinaka puqañatakixa utjkiti uka jawira ukhamaraki markapana jan walt’awinaka askicht’añatakixa.(PÚLSAR/ECOJÓVENES)
Eco Jóvenes
11/09/2012
Audios:
-
Indígena markasti, Pilcomayo jawirana jan walt’awipwa llaki. : 3 min. 53 seg. (3,56 Mb.) archivo mp3 (4 MB)
