Sapakutiwa juk’ampi Bolivia markachir warminakaxa irnaqapxi política tuqina, comunidadapana organizacionanakapata qalltasa, alcaldíanakar purisa, familiaranakapana amtawinakapsa atipt’asa.
Jichha pachansti, 327 municipionakana Bolivia markanxa, niyas 141(43 por ciento)ukjaniwa alcaldíanakata ukhamaraki concejalías ukanakanxa, warminakana p’iqiñchataxa.
Constitución Política del Estado uka jach’a kamachiñxa, mayiwa, elección chhijllawinakatakixa, chikat chachanaka, chiqatx warminaka ukhamañapa cargos políticos ukanakatakixa, ukhamana kikipa sartawixa utjañapataki chachanakampi ukhamaraki warminakampi.
Lucinda Villca concejala kullakaxa siwa “akama irnaqañatakixa, ch’amtayiwa familiapa ukhamaraki qullqi pisintaña” sasa.
“Nayaxa utajanaki irnaqayäta, guaraní indígena, jan profesionani, kunjamapktï walt’ata comunidadana jakasiri warminakaxa ukhamatwa”, siwa, Marina Cuñaendi, 55 marani Urubichä alcaldiankiri concejala kullakaxa.
Cuñaendi concejala kullakaxa, 2010 ukja marakamasti, janipiniwa ukhama cargunkañcha amuykänti, jupasti comunidadapanxa, arrusa, tunqu yapuchasiskänxa, ukhamaraki utapansti wawanakapatakix isisnaka p’itaskïrina chachapampi chika.
Lidia Alejandro, 50 marani Llallagua alcaldiana, Potosí Departamentuna, concejala kullakaxa, siwa, irnaqawinakanxa ch’amtayapxtwa,kunatixa janiwa sumxa yatipkayäti uka cargunakana irnaqañxa, sasa.
Bolivia markana kamachinakaxa, mayiwa presupuesto qullqinaka mä marana irnaqañanakampi phuqañatakixa, uchatañapawa warminakaru ukhamaraki wawanakaru yaqa jan irnaqañ atipchi markachirinakaru yanapañataki siwa.
Natasha Loayza, ONU Mujeres uka organizacionana irnaqiri kullakaxa Bolivia markanxa siwa, utjiwa jach’a sartawinaka warminakanxa, Constitución Política del Estado Plurinacional uka, ukhamaraki yaqa kamachinakana ch’amañchata sasa.
Ukhamarusa, siwa, “Uka kamachinaka chiqaparupini puqasiñapatakixa, juk’ampi ch’amañchawiwa utjañapa”, sasa.(PÚLSAR/ECOJÓVENES)
Eco Jóvenes
Audios:
-
Indígenas warminakaxa, iyawa sapxiwa político irqnaqawiruxa: (1 MB)
