Bolivia markanxa, educación indígena yatichäwixa phuqasiñapawa

Bolivia markanxa, niya 12,3 % ukjaniwa indígena jisk’a wawanakaxa janix educación yatiqawirux sarapkiti. Área rural uka tuqinakansti 17,5% ukja wawanakawa janix escuelarux sarapkiti.

Siwa mä estudio yatxatawi tuqi Fondo de las Naciones Unidas para la Infancia( Unicef) uka organizacionaxa.

Bolivia markanxa, sapa patakatxa kimsa tunka suxtani 35% jaqinakawa pata tuqinakana jakasipxi, ukhamípansti jupanakawa sinti t’aqisita utjasipxi. Sapa pataka jaqinakatxa, paqallqu tunka pisqaniwa 75% wali pisina jakasixa sasawa yatiyanipxistu.

Educación primaria yachichäwixa obligatoriowa ukhamaraki jani qullqi pagatakiwa taqinitaki Bolivia markanxa, Ministerio de Educación uka tuqitxa, wali ch’amañchawapxi taqiniru educación yatichäwi yatiqawixa puriñapataki sasawa, Unicef uklhamaraki yaqa organismos internacionales jupanakaxa jallallt’awapxi.

Maysa tuqitxa, Carmen Rosa Sánchez, área rural pata tuqina Chuquisaca departamentuna yachiri kullakaxa, siwa, wawanakana escuelaru jan sarapxañapatakixa aknïri jan walt’awinakawa utji, wali pisi t’aqisiñana familianakax utjasipxi, yaqa markanakaruwa sarxapxi, ukhamarusa janiwa escuela yatiqaña utanakaxa sumana lurt’atakiti, sasa.

Mä jach’a jan walt’awixa, utjaskakiwa siwa, jisk’a wawanakaruxa, janiwa pachpa yuriwi arupana yatichatäkiti ukatawa jupanakaxa jan yatiqañxa atipkiti, sasa.

Bolivia markanxa niya chikatani jila markachirinakawa, kimsa tunka suxtani (36) etnolingüisticos uka tamankiripxixa.

Area rural ukja chiqanakanxa, wawanakax yatiqapxañapawa yurïwip arupana ukhamaraki español aruna kuna.
Ministerio de Educación uka tuqitxa, wakicht’apxiwa taqi yatichirinakaru pä aru apnaqapxañapataki, ukampìnsa yatichirinakaxa janïrawa ukax sumx phuqaskiti sapxiwa.

Yaqa jan walt’awisti, escuela yatiqañ utanakaxa, comunidadanakanxa wali jayankiwa, wawanakana sarañapatakixa.

Ukatakisti, utjiwa wawanakana qamapxañapataki, internados rurales especiales yachaywasis (yatiqaña utanaka) sata qichwa arunxa.

Bolivia markankiri gobiernuxa, sarantayaskiwa machaqa kamachi, Ley de Educación, kunatï constitución uka jach’a kamachinxa siski ukampi phuqañataki: Mä sistema educativo “intracultural, intercultural y multilingüe”, ukampi phuqañataki.(PÚLSAR/IPS)