38 tapietes familianakawa cultura sarnaqawipa yakayaskaki

Kimsa tunka kimsaqallquni familianakawa, Samuguate comunidadanxa, Gran Chaco boliviano ukjanxa, cultura sarnaqawinakapaxa, arupasa jan chhaqañapataki wali ch’amampi sayt’asisipki. Jupanakasti tapietes indigenanakapxiwa.

190 ukjani indigenanakawa pa tunka pusini (24) hectárea uraqinakana, Paraguay markampi qurpana jakasipxi, qamasipki uka utanakapasti wali pisikiwa, ukhamarusa 2000 ukja maratwa kumuna uraqi papilanixipxixa.

Tarija departamentunxa, Samuguate comunidadana utjasir waynanakaxa, jan kuna askis lurañjamakipanxa, yaqa markanakaruwa kumunidad jaytanukusa sarawaxapxi.

Pilcomayo jach’a jawiratxa, sábalo challwasti chaqawaxiwa, challwaxa tapietes kumunarionakatakixa wali wakiskiripininwa sapüru manqasiwipanxa, jicchasti janiwa ukhamäxiti. Akhamañapatakixa jawirawa jan sumx pichaskiti, umasa janirakiwa sumx jaljaskiti.

Ukampirusa uka uraqinakanxa utjaskakirakiwa suma uraqinaka, uywanak kuna, ukana utjasirinakataki, achunaka apthapiñataki, challwa katuñataki uywanaka manq’añataki.

Ukatawa tapietes indigenanakaxa, autoridadanakaru juk’ampi uraqinaka mayipxi, 59 waranqa hectareanaka jilxatayaña, mamurayanaka uywaña, wakanaka uywaña, ukhamaraki turismo uka proyectunaka lurañataki.

Jach’a Capitan tapietes irpiri Jose Luis Ferreira tataxa, siwa, tapietinakaxa jichhakamaxa costumbre sarnaqawinakapxa wali respetumpiwa sarayasipkakta, música kirkt’awinaka, tapietina arsupsa. Ukatawa yanapt’a mayipxi comunidadapaxa respetumpi uñjatañapataki.(PULSAR/IPS/ECOJÓVENES).

Audios:

    38 tapietes familianakawa cultura sarnaqawipa yakayaskaki: (1 MB) descargar_peque

Comentemos

6 + 2 =