MEXICO SUYUPI KACHKAN COMUNIDAD PALO SOLO, MUNICIPIO HUIXQUILUCAN CHAYMANTA ISKAY HORA CHAYANAPI.

CHAYPIÑATAQMI TARIKUN TALLER DE COOPERATIVA MITZ (NAHUATL RIMAYPIM NICHKAN QAMPAQ) CHAY TALLERPIM RUWANKU BOLSOCHAKUNATA, MONEDERUTA, AGENDAKUNATA, PORTARETRATOS, TUKUY IMAYMANANTA. 

SAPA KILLA KIMSA WARANQA PRODUCTUKUNATA RUWANKU.  CHAY PRODUCTUKUNAM LLAPALLAN KANKU DESECHOS INDUSTRIALES SUTICHASQAMANTA.

YAQAPAS ISKAYCHUNKA WARMIKUNAM CHAY TALLER MITZ UKUPI LLAMKANKU, LLAPA PAPEL LAMINAKUNATA KUCHUSPA, DOBLASPA, SIMPASPA, SUMAQ ARTESANIAKUNATA RUWASPA. CHAY RUWASQANKUTAM RANTIKUNKU ALEMANIA, BÉLGICA, ESPAÑA, ESTADOS UNIDOS, GRAN BRETAÑA QINASPA  ITALIA SUYUKUNAPI. CHAY RANTIKUSPANKU QULLQI QAPISQANKUWAN ALLINTA KAUSANKU.

CHAY RANTIKUSQANKUWANTAQMI, POLO SOLO COMUNIDADPI WAWAKUNAPAQ YACHAYWASITA SAYACHINKU. QANCHIS WATAÑAM CHAY TALLER MITZ QATARISQAN, CHAYMANTA PACHAS ISKAY WARANQA PICHQA PACHAK HUARMAKUNAÑA BECASQA LLUQSINKU, ESTUDIANANKUPAQ. 

TUKUY CHAYTA RUWANKU YAQAPAS TAWACHUNKA TONELADA DESECHO INDUSTRIAL RECICLASQANKUWAN.

CHAY FUNDACIÓN MITZ CHAYPAM LEMAN KACHKAN  "TEJIENDO EL PORVENIR". CHAYPIM LLAMKASQANKUPA CHANINTA 50% NISQANTA  IGUALLANKA RAKINAKUNKU.

20% ÑATAQ RIN ESCUELAPAQ, HUK 20% ÑATAQ RIN MANUFACTURAPAQ, QINASPA 10% GASTOS OPERATIVOS NISQAPAQ.(PÚLSAR/IPS)