Quilcué nu k’ut chi ri ki “b’ey ri yare’taq moloj ruchin niki chojmij jun saqkojlen chi qetzij. Ruchin kere’ ri aj k’amol b’ey un chap rij ri samaj ri un ya’ q’ij chike ri winäq nikil jun utz laj k’aslemal”.

Toq xu k’is 36 ru juna’, ri ru samaj kik’ïn ri winäq xu b’an chi xkamses el ri rachjil, Edwin Legarda, pa diciembre pa 2008.

Ri aj k’amol b’ey kichin ri taq moloj winäq xu b’ij chi xkamses rachjil ri jun kunuxïx xu b’an chirij ri Periódico Universal kela’ Suiza.

“Ri aj q’aq’ ketaman chi rin yin tel el pa kaji’ ramaj che nimaq’a’ pa jun ch’ich’ ruchin yin b’e pa un samaj. Po la’ b’enäq el xe xe un wachjil ruk’in jun ixöq ajq’omanel. La’ ri ajq’aq’ xiki lesaj q’aq’ chikij” xu tzijoj ri xb’anatäj.

Quilcué xu k’ut chi jun moch’oj ajq’a’ xiki b’ij chi rye’ xe kamsan rachjil, po najin niki kanuj achike xe b’in chi k’o chi ni kamses.

“K’o chi saqïl chi ya ri k’amol b’ey xb’in chi k’o chi yoj kamses ruchin nu k’ut chikiwäch ri ronojel taq amaq’ chi ryoj oj k’o kik’in ri FARC”, xu k’is ru b’ixik.

Ri ixoq aj k’amol b’ey xu b’ij chi ri k’amol b’ey amaq’ man utz ta yeru tzu’ ri taq aj rukopil, ruma xa ma najin ta ye ru kanuj ri aj pa q’ayïs chuqa’ ri aj b’anoy etzel, po najin yeru kamsaj chaq achike winäq.

Pa ri k’isb’el, Quilcué nu ch’ob’ chi” ri ajq’aq’ri ye samäj chare ri k’amol b’ey najin niki kamsaj yalan k’iy winäq, ri aj pa q’ayis ma ki kamsan ta yalan k’iy winäq, po najin niki kamsaj jujun taq aj k’amol b’ey chiki kojol ri winäq ajrukopil.(PÚLSAR)

Traducción: Herber Morales
10/09/2009





Audios disponibles:

Nos hemos convertido en una fuerza grande.
 2 min. 12 seg. (1,51 Mb.) archivo mp3