Eqal najin nitzijox kib’i’ ri ajq’aq’ ri xe b’ano etzelal chike ri ixoqi’.

Majani yeqa ri ajmakil chare ri 500 etzelal ri xb’anox chare kich’akul ri ixoqi’ kimal ri ajq’aq’ chupan ri ch’a’oj ruk’in q’aq’ ri xb’anatäj kela’ Perú. K’a kami xaxe k’o ka’i’ ajmakil ri najin nijusux kib’i’.

Pa 2003, ri moloj ruchin ri choj ajtzijl chuqa’ ru chijmilal (CVR pa kaxlan tzij) xu rejlaj 538 etzelal chupan ri lab’äl pa Perú. xe ajlex 527 chike ri ixoqi’ chuqa’ 11 chike k’ojola’ achi’a’ ri xe t’la’ox.

Yare’ wuj ri nuk’ut ri etzelal chuqa’ nuk’ut chi ri ajq’aq’ xiki b’an yare’ ruchin niki b’an etzel chike ri ma junan ta kiwách ru k’in ri amaq’.

ri moloj yare’ xtz’ukutäj pe ruma ri k’amol b’ey ri xok qan paruk’axel ri ajk’amol b’ey rub’i’ Alberto Fujimori pa rijuna’ 2000 täq xelemäj el pa ri amaq’, chirij ri lajuj juna’ ri xk’aje’ par i jolon ri amaq’.

Yare’ moloj xukanuj achike ruma chuqa’ ri etzelal ri xub’an qan ri lab’a’il rri xb’anatäj kimal ri ajq’aq’ ruchin ri amaq’ chuqa’ ri ajq’aq’ r.

Pa 2003, ri ajk’amol b’ey Alejandro Toledo xu k’atuj chi yalan nik’atzin chi nijusux kib’i’ ru xe b’ano ri etzelal chare kich’akul ri ixoqi’ chuqa’ ri xiki moj ri ki chojm ri winäq.

Po ri xeb’ano yare’ etzelal majani niki toj ri xiki b’an k’a kami xa k’ari’ ka’i’ najin nijusux kib’i’. jun chike ri ka’i’ yare’ ri xerutz’ila’ janila winaqi’ pa jun tinamit rub’i’ Manta chuqa’ Vilca.

Pa marzo chare ri 2009 ri ajq’atoy tzij xu jusux kib’i’ lajuj ajq’aq’ ri xeb’ano ri etzelal ri xe samäj ruchin niki chup ruwäch ri maniqa ta chikiwäch ri najin nub’an ri ajk’amol b’ey rub’anon qan kela’ Manta chuqa’ Vilca.Ri najin nijusux kib’i’ xakan xiki b’an ri etzelal chike wuqu’ ixoqi’.

Xan jub’a’ ixoqi’ ri niki tzijoj ri etzelal ri xb’an chare kich’akul kimal ri ajq’aq’.

xq’ax yan 25 juna’ po ri ixoqi’ ri ajq’atoy tzij najin na nik’atuj chike chi k’o chi neqa chike ri xb’an chike kimal ri ajq’aq’. najin nik’atux chike chi k’o chi niki tzijoj nojel ri xb¿anox chike, ruchin ni tamatex achike xb’ano ri etzelal.

“Täq nijusux kib’i’, täq riye’ niki toj riki mak ri xiki b’anon, táq ye nimox pache’ ruchin niki toj ri etzelal, k’ari’ ri ki’ k’uxlal nek’ulun wawe’ pa nu wam”. Kere’ xub’ij xta Micaela jun ixoq ri xb’anox ri etzel chare.