Jichhakamaxa, janiwa kauknir militaranikatï, pisqa pataka pa tunka paqallquni warminakaru(527) ukhamaraki tunka mayani(11) chachanakaru, violaciones sexuales, ch’amampi lurapkatäna jupanakana juchapaxa ma juicio tuqi uñt’ayatäkiti. pä juiciokiwa jist’arataxa Perú markanxa.

2003, ukja maransti, Comisión de la Verdad y Reconciliación(CVR)uksa institucionana irnaqirinakaxa, pisqa pataka kimsa tunka kimsaqallquni violación sexual ukhama jan walt’awi militaranakax lurapxatanakapa ukwa jakthapinpxatana, kunapachatï chaxwawinakax Perú markana utjkana ukja.

Violencia sexual, ukhama abusunaka lurañaxa, jani juk’ampi markachirinakana sayt’asipxañapatakiwa militaranakax lurapxatana sapxiwa.

Comisión de la Verdad y Reconciliación (CVR)uka institucionaxa, utt’ayatatänawa 2000 ukja marana, kunapachatï Alberto Fujimori tataxa Perú markana presidentikäna, ukhamarusa tunka maranaka gobiernunkasa t’ijtawäkana uka qipxatha.

Aka Comisionasti thakiwa qanañchaña, kunapachänsa amtawixa akama chaxwawinakaru puriñataki, militaranakampi, Sendero Luminoso uka guerrillirunakampi ukhamaraki Movimiento Tupak Amaru jupanakampi uk yatiñataki.

2003 ukja marasti, Alejandro Toledo presidentixa, mayiwa khitinakatï Perú markachirinakana derechopa p’akintapxchi jupanakana juchapa uñt’asiyaña, taripawi tuqi.

Ukhamarusa, jichhakamaxa janiwa kuna juchanirusa juchapaxa uñt’ayatakiti, pä casunakwa juicio sartayataxa utji, abuso sexual ukhama jan walt’awi militaranakax lurapxatapata, Manta ukhamaraki Vilca uka markanakana.

Marzo phaxsina, 2009 maranxa, tunka (10) militaranaka contrawa, ma juezaxa juicio qallti, paqallqu warminakaru violación abuso lurapxatapa, Manta ukhamaraki Vilca comunidadanaka jak’ana.

Ukhamarusa, juk’anikiwa militaranak contra arsuri kullakanakaxa, uka jan walt’awinaka jupanak contra lurapxatapatxa juicioru sarapxañapatakixa.

Ukhama jan walt’awinaka, pä tunka pisqa maranaka saraqxatarusti,warminakaxa ch’amachatawa taqi uka abusunakxa sum amtapxañapataki, ukhamarusa khitinakatï uka juchanipki jupanakarusa uñt’apxañatak, uksti juicio sarayirinakawa mayipxixa.

Ukhamarusa, Micaela ukja pachana t’aqiskatäna kullakaxa, siwa, “Kunapachatï carcelan juchapa phuqapkani, kunapachatï chiqpacha justiciaxa nanakatakixa utjani, ukjakiwa sumankañxa chuymajan jikxataxa”.(PULSAR/IPS)