Bolivia markana gobiernux kunapachatï usuri mamanakax wawanïxapxani parto usumpi ukja jan jiwapxañapatakixa, ma bono Juana Azurduy sutini utt’ayawayi, ukampixa thaqatawa jani warminakaxa wawachasisaxa jiwphati,antisasa k’umaraki mistupxpan, kunamatï jichhakamaxa, pa warmiwa ma urunxa jiwixa.

Aka amtasti khititixa Ministro de Salud jupakänatata Ramiro Tapia, jupawa ukx saraki.

Sapa marawa suxta pataka patunka kimsani (623) warminakaxa parto usumpixa jiwapxi, siwa Plan Nacional para mejorar la salud materna Ministerio de Salud ukana yatxatawipanxa.

2008 ukja marana jakhuwinakanxa uñacht’ayasiwa, pa pataka patunka payani (222) ukja kullakanakawa pataka waranqa wawa yuritanakatxa parto usumpixa jiwapxatana. Ukasti América Latina markanakatxa payiriwa sinti jilawa yaqa markanakat sipanxa.

Jichhaxa usuri mamanakaxa centro de salud, qullayasiñ utaruwa médico qullirinakampi uñjayasirixa sarapxi, janira wawanïkasa, partumpi usxixa ukja, ukhamaraki kunapachatï wawapaxa jurxi ukjasa, ukatakisti katuqiwa 258 dólares qullqi, bono Juana Azurduy ukham sutini uka tuqita.

Bonosti tunka paqallqu t’aqanwa pagataxa, ukhamarusa usuri mamanakaxa centro de salud uka utanakaruwa pusi kuti janira wawanikasaxa kunjamaskis uk uñjayasiri sarapxañapa. Ukhamaraki kunapachatï partumpi ususxani wawaparu ukjasa, ukatsti tunka payani kutiwa kutt’añapa kunjamasa k’umaraptaski uñjayasiri ukhamaraki wawaparu kunamasa jilsuski uk uñjayirisa.

Bonoxa phuqañchasiwa, Seguro Universal Materno Infantil, gobiernuna amtawipampi, ukampisti taqi warminakawa qullayaña hospitales utanakana jan qullqi payasaki yanapt’awxa katuqañapa Bolivia markpachana.

Nairiri evaluación uñakipt’awinxa, bonoxa Bolivia markanxa niya taqpacha municipionakaruwa puritäna, ukhamarusa, pusi pataka waranqa (400 mil) kullakanakawa jan sinti jak’aniki wawanïñataki yatichäwinaka katuqawapxatana.

Ukampirusa m ajan walt’awiwa utji, khitinakatixa qulliri doctoranakat sipanxa, janiwa pata tuqinakaru irnaqiri munapkiti, ma juk´aninakakiwa sarañxa munapxi.

Kimsaqallqu patakatxa (800), Paqallqu pataka pusitunka llatunkani (749) profesionales qullirinakakiwa irnaqapxä sasaxa sapxatana nairiri maranxa, siwa, Coordinador Nacional de Bono Juana Asurdy uksta, Nelsón Hurtado, tataxa. Profesionalanakana irnaqapxañapatakixa gobiernuxa 648 dólar qullqi, sapa phaxsi pagañanixa sapxatanawa, ukja paqañaxa wali askiwa yaqanakat sipanxa siwa Hurtado tataxa.

Gobiernuna bono pagaña amtawixa, pisina, t’aqinaki jakasirinakaru yanapt’añatakiwa, niya tunka millones ukja markachirinakata Bolivia markanxa, ukhamarusa t’aqina jakasiñaxa juk’ampiwa, tunka warmitxa, suxtaniwa sinti pisinapuni utjasixa. (PÚLSAR/IPS)