Huancavelica chiqana utjasiri kullakanaka Perú markanxa, aski manqaña alimentunaka wakicht’asipxi ukja uraqinakana achunakampi, wawanakaparu, familiaparu manqa churañataki, akja chiqansti wali t’aqinaki markachirinakaxa utjasipxi, ukjamarusa walt’ataniwa pisi manqatakïpxi sapxiwa.

Huancavelica markaxa, centro-sur ukja chiqanwa Perú markanxa jikxatasi, pusi pataka waranqa markachirinakaniwa, ukjanitsti niya chikatanipiniwa imilla yuqalla wawanakaxa jan suma manqataxa jakasipxi.

Marina Huamaní kullakaxa ukan jakasi, ukhamarusa jupaxa sumwa phayt’asiña yatixa, kunaymana achunakatsa wakicht’akiwa maq’at awtjataru atipjañatakixa, ukhamarusa jupaxa aski alimentüki uka achunakwa sumx uñt’ixa.

Ukhama jupana suma alimentu manqanaka walicht’añataki amtatapatxa, ma premio katuqi, Organización de las Naciones Unidas para la Agricultura y la Alimentación (FAO)uksa tuqita, ukja chiqana familianakaru yatichañapataki aski alimento achunaka manqapxañapataki, niyakixaya wali t’aqina jakasipxchixa familianakaxa.

Marina kullakaxa, uñcht’ayiwa ch’uñumpi taqi kasta manq’awinaka wakicht’aña, ch’uñusti nayra pachanakatpiniwa Huancavelica markanxa manqasipxatäna.

Akja chiqanxa, kimsa qallqu pataka kasta chu’qinakawa utjatana, pa waranqa pisqa pataka kasta ch’uqinaka Perú markanxa ukjkatana ukjata.

Yaqa alimento achunakat sipanxa utjiwa, jupha, kiwicha, (amaranto), apilla, ulluco, isañu ukhamaraki tarwi.

Huancavelicankir kullakanakaxa, aka achunakwa manqañatakixa achuyxapxi,wakichapxaraki, ukhamarusa aljañatak kunawa apsupxi.

Ukampisti ch’amañchasiwa aski alimento ukja markachirinakana manqañapa, ukhamaraki jark’aqasirakiwa askina uraqinakaxa uñjatañapa ukja chiqanakanxa.

Ukhamarusa tarwixa janiwa manqatäkiti, kunatixa janiw kunama walkicht’añsa yatipkiti, tarwi achuxa wali aski alimentupinitapatsa.

Marina Huamaní kullakaxa siwa, nayaxa phaxsiwa tarxa umaru chulluchtha, ukatxa sillp’irtwa atuna challwampi cebollampi manqañataki sasa.

Organización de las Naciones Unidas para la Agricultura y la Alimentación (FAO)institucionaxa siwa, pataka millones ukja jaqinakawa mundo ukchpachanxa jilxataspa 2010 maranxa. Ukhamspa ukjaxa waranqa millones ukja jaqinakawa manqata t’aqisita jikxatasipxaspa mundo ukchpachanxa sasa.(PÚLSAR/IPS)