Sur de Peru markan comunidadanakaxa, k’achat k’achata internet apnaqaña yatiqasipki juk’ampi jilaru aljasiñataki.

Comunidadanakana ma computadora apnaqañaxa wali ch’amtayapxi, kunalaykutixa waljaninakawa janiy ullañ, qillqañsa yatipkiti, ukhmarusa axsaratawa ma makin tuqita jikist’añaxa.

Pucyura comunidadaxa chika ura autun sarañankiwa Cusco markatxa, Perú markana, ukan utjasir jila kulklakanakaxa khucchi ukhamaraki wank’u uywapxi aljañataki, internet tuqixa jikxatapxiwa kunamsa una negocipxa jiltayapxaspa uka.

Internet tuqixa, jikxatapxiwa kunamsa yaqa kastata jnuk’ampi suma puquyapxaspa wank’u ukhamaraki khuninakapsa, kuna kasta manqanaksa phayapxaspa aychanakapatxa, kawki festivala ferianakarusa sarapxaspa, machaqa alirinakampisa jikissipxaspa taqi ukanaka.

Pucyura comunidadanxa pusi wanqanqa pisqa patakani markachirinakawa jakasipxi, ukjanitakisti pataka computadoranakwa Unidad Operativa Puno-Cusco gobierno tuqitxa uchapxatana, ukasti ma amtawa taqi comunidades rurales uksan jakasirinakaxa juk’ampi suma jakawipanxa sartapxañapatakiJichhakamaxa, pa tunka pusini (24) distritunakawa cabinas de internet ukanixapxi, Arequipa, Cusco, Moquegua, Puno ukhamaraki Tacna markanaka, akasti ex corredor Puno –Cusco, Cierra Sur uka proyecto gubernamental tuqiwa lurasi, Fondo Internacional de Desarrollo Agrícola (FIDA) unak yanapt’apampi.

Ex Corredor Puno-Cusco amtawixa, walñi askipiniwa FIDA organizacionatakixa, mundo ukchpachana wali aski amtawi lurawjama uñt’atawa, kunalaykutixa, kimsaqallqu waranqa familianakaruwa ch’amañcht’i negocionakapa jiltayañataki, internet ukampi irnaqapxatapata ukata.

“Pata tuqi markanakanxa ch’amawa amtawinakampi phuqañaxa, kunatixa markachirinakax janiwa ullañsa qillqañsa yatipkiti, ukhamarusa proyecto amtawixa sum utt’ayañaxa, autoridadanakaparus ma aruskipawi tuqi compromiso apsuña amtawxa ch’amañchapxañapataki, jan chaqayañataki”, siwa Luis Andrade, proyecto Sierra Sur ukankir tataxa.

Ukampisa Sierra Sur ukankirinakaxa sapxiwa, ma campesino jila kullakanxa, janiwa jakawipaxa askiptkaniti ma computador nayraqataru qunt’asakixa.

Bolivia markanxa, walja comunidadanakanxa, radios comunitarias jupanakawa computadoranakampix irnaqapxixa, ukasti waki askiwa kunalaykutixa radioxa walja markachirinakawa ist’apxixa. Radionaksti internet tuqiwa katuqapxi qatunxa qawqa chaninisa achunakaxa, soja, tunqu, ch’uqi, llechuga, zanahoria, juk’ampinak kuna, ukhamana yapuchirinakaxa aski, jilpacharu achunakapxa aljañataki.

Red Tic Bolivia uka institucionaxa, Bolivia markpachanwa irnaqi, 1999 ukja maratpacha, ukanxa jikxatasiwi pa tunka pusini(24) organizacionanaka, ukhamaraki confederaciones campesinos, indígenas jila kullakanaka, gobierno del estado plurinacional, comerciante alirinaka taqi jupanaka. (PÚLSAR/IPS)