Argentina markana, manq’aña utanakanaka, comedores comunitarios satäki, uka sarayirinakaxa, wali llakitawa jikxatasipxi, kunatixa ukar manq’ir sariri familianakaxa uñisnukutakiwa jikxatasipxi, ukaxa wawanakapatakixa janiwa askikïti.

Las Brujas uka manq’asiñ utanxa, sapüruwan pa pataka pisqa tunkani(250) jisk’a imilla, yuqalla wawanakaxa manq’asipki, ukhamaraki jayp’utakisa manq’a apasipxi utanakaparu, Akasti Municipio de Moreno, al oeste Capital Federal Buenos Aires ukja chiqankiwa.

Sarayirinakaxa sapxiwa, walja familianakawa listanxa suyasipki inacha qhiparux manq’aña katuqapxaxa sasa, manq’atï jilt’chixa churatawa, jan jilt’chitixa janiwa sapxiwa.

Isabel Ruiz mamaxa, Comedor Las Brujas uka sarayiriwa, jupasti siwa, janiwa askikiti walja wawanakana jutirina jakäwipaxa, kunalaykutiwa jupanakasti alimento katuqapki ukaxa waxt’anakakiwa sasa.

Ruiz mamaxa siwa, awkipanakana jan mä irnaqawina utjatapa, ukhamarusa jani educación yatichawi katuqapxatapaxa, wawanakaruxa apt’asphawa jan walt’awinanakaru, umaña lunth’atasiñ tuqinakarusa, sasa.

Jani ukhamäñapatakixa, Ruiz mamaxa, ma karpa wakichaski chúxña verdura achunaka achuyañataki, kawkhatixa, q’axu waynuchunaka ukhamaraki waynanaka irnaqapxañapataki. “Pisqa maranit alayaruxa wawanakax escuelarura chika urkamaxa sarapxi, ukatsti janiwa kunsa lurapkiti, inakiw callenakana sarnaqasipki, janiwa kunalurañjamakisa jupanakatakixa sapxiwa”. siwa.

San Fernando municipionxa, comedor Corazones de América, manq’añ utaxa sapüruwa pa pataka pisqa tunkani wawanakaru lunesata viernes urukama katuqixa.

“Akanamsti walt’atani wawanakawa pasawapxi, jichhasti jilir jaqinakaxapxiwa, jupanakatsti walt’atanirakiwa jan wali thakiru sarawaxapxaraki, callenakana umañaru, lunthatasiñaru mistuwaxapxi” siwa, Estrher Bezek mamaxa, kititï pä tunka maranakawa comedor Corazones de América ukanxa irnaqawaraki.

Jani sinti pisina jakasirinakaxa utjxañapatakixa, Centro Académico de Lucha contra el Hambre de la Universidad de Buenos Aires uka jach’a yatiqañ utanxa, niya kimsaqallqupataka comedores comunitarios, manq’añ utanakawa utji Argentina markanxa sapxiwa.

Estaduna yatiyawinakaparjamaxa, Argentina markanxa, pisina jakasirinakaxa juk’aniptaskiwa (15%) ukjaru, sinti pisinpini jan kunanipki ukam jakasirinakasti (4 %) ukjaru sapxiwa.

Akasti wali aski sartawiwa 2002 ukja marat sipanxa, kunapachatixa niya chikat markachirinakaxa wali pisinaki jakasipxana, ukhamarusa niya chikatat chikanipaxa sinti jan kunakiwa utjasipxana.

Pontificia Universidad Católicana ukhamaraki yaqa privado institucionanakana yatxatawipxaruxa, Barómetro de la Deuda Social Argentina, satäki ukanxa siwa, juk’ampi jilawa jakuwinakaxa sasa.

Wali t’aqina, pisina jakasirinakaxa niya chikatani chikatapaspawa taqpacha Argentinan markachirinakatxa, tunka kimsaqallqunit ayñacharu maraninakatak arsuñanixa, pisina jakasirinakaxa niya chikatanisphawa taqi markachirinakat sipanxa, siwa barómetro ukaxa.(PÚLSAR/IPS)