Eqal eqal, ri tinamït ri ek’o kela’ Perú, najin nikich¨p rij rukosanïk ri internet ruchin niki k’iytisaj kina’oj chuqa’ ruchn ruchin niki nimrisaj ri ki rajil.

Po ruchin nikosäx jun ch’ich’atz’ib’ab’äl pa taq kokoj tinamït yalan k’ayew, ruma k’o janila winäq ri ma yekowin ta yetz’ib’an, yare’ k’ayewal nutun ri’ ruk’in ri xib’ri’il chuwäch ru ma k’ulun ta chike niki samajij, chuqa’ ri ka’i’ k’uxlal ruchin niki k’exla’ kitzij ruk’in yare’.

Kela’ Pucyura, pa ch’ich’ jun panik’aj ramaj chare ri Cusco, jun moloj ri ye k’iytisan taq aq, chuqa’ ri chikäp rub’i’ cuy, jun chikäp ruchin ri juyu’, kela’ los Andes, xikil pa Internet jun rub’anikil ruchin niki k’iytisaj ki k’ayij.

Xikil jun wuj ri nutzijoj k’ak’a’ rub’anikil ruchin niki k’iytisaj ri yare’ taq chikäp, ma xeta akuchi ek’o we, chuqa’ nuk’ut chikiwäch ruchin niki b’än jun jeb’el rikil wäy, chuqa’ xa kan k’o winäq nikil ruchin niki k’ayij ri ki tiko’n chike nima’q taq ajlaq’oy.

Ri lajuj ch’ich’atz’ib’ab’äl ri ek’o pa jun tinamït re’, akuchi ek’o jun kaji’ mil 500 winäq ru ya’on ri Gubernamental Unidad Operativa Puno-Cusco. chupa ri rusamaj najin un kosaj ri k’ak’a taq tz’ib’ab’äl, ruchin niki k’exla’ kitzij ri nik’atzin ruchin ri utz k’aslemal kichin ri winaqi’.

K’a kamï k’o juk’al kaji’ tinamït chupan ri nïm tinamït rub’i’ Arequipa; Cusco, Moquegua, Puno chuqa’ Tacna, najin niki kosaj ri internet, ri ek’o chikojol ri b’anon qan rub’i’ Corredor Puno-Cusco, chuqa’ Sierra Sur, yare’ jun jay chuqa’ ruchin ri k’amol b’ey ri najin ni to’ox ruma ri Fondo Internacional de Desarrollo Agrícola. (FIDA).

Ri q’axnäq qan Corredor Puno-Cusco xtz’etetäj yalan utz chuwäch yare’ moloj, xa kan majun jun chïk yalan utz achi’el yare’ chuwäch rulewal. Yare’ xub’an chi jun 80 mil jay, yare’ xub’an chi ri winäq xe kowin xe’ok par i k’ayb’äl ruchin ri tiko’n, chuqa’ ruk’in yare’ xiki kosaj ri internet ruchin xiki jotob’a’ ki k’ayij.

“Pa taq kokoj tinamït k’o chi niqa b’än janila taq samaj, nab’ey, k’o ri k’ayewal chiki kojol ri ma ye kowin ta ye tz’ib’an, k’o chi niki petenej ri samaj ruchin man käm ta el, ruchin yare’ k’o chi niki nïm chuqa’ ri k’amol b’ey ruchin ri tinamït chupan yare’ samaj, wo manï xa kan nik’is el”. Kere’ xu tzijoj Luis Andrade, ajk’amol b’ey ruchin ri Sierra Sur, niki ch’ob’ chi ma x eta nik’atzin ri internet, ruma ri jun ajsamajel ma nuch’ek ta ru k’aslemal chuwäch jun ch’ich’atz’ib’ab’äl.

Yalan utz niki tzaqalb’ej rij ri Bolivia, Kela’ ri ronojel ri ni eletäj pa internet xiki q’axaj p ata qaxan tzin chiki kojol ri winaqi’, ruma ri q’axan tzij ruk’in ri radio, yalan k’o ru rachuq’a’ chiki kojol ri winäq.

Kere’ k’a, niki mol chuwäch ri internet ronojel ri tzijobäl chirij ri k’ayb’äl, achi’ el ri soja, ri ixim chuqa’ ri saqwäch, yare’ niki q’axaj pa taq radio, ruchin niki k’atuj jun rajïl yalan utz.

K’o jun k’at rub’i’ TICBolivia, ri nisamäj chupan ri amaq’, ruchapon rij ru samaj pa 1,999, chupan yare’ k’o 24 taq jay ri ki kran ki’ par ri amaq’, niqa tun kik’in ri moloj kichin ri ajsamajela’, ri qawinaq, ri jay kichin ri k’amol b’ey chuqa’ ri aj k’ayinel.(PÚLSAR)