Xatak’o jun sib’iläj utz uja’tz, manta k’o ri wayijal, po ri winäq k’o ta yalan kiway, Kere’ nub’ij Dionicio Sarmiento ajsamajel ulew kela’ pa Huancavelica akuchi ek’o janila táq meb’a’ ruchin ri perú.kela’ xakan jub’a’ nirajo’ konojel ye samäj chuqa’ niki ch’ek ki k’aslemal ruk’in ri tiko’n.

Dionicio k’o rachoch par i tinamït rub’i’ Tinquercasa, jub’a’ ruwi’ 3 mil 500 metros pa ruwi’ ri palow, rikichoch kib’anon ruk’in ri xan, ma niki samajij ta ri ulew ruk’in nima’q taq ch’ich’ ruma yare’ ri ki tiko’n xaxe un b’ana’ chike riye’ chuqa’ ri ki winaqi’.

Xa jub’a’ ya’ nik’ulun pa jun q’ij chuqa’ ri tz’il taq ya’ ri nitel ma nib’e ta pa jun jül.

Ri Tinquercasa, nikanaj qa chupan ri nimm tinam´t rub’i’ paucara, xa jub’a’ nirajo’ chi konojel ri wináq ek’o pa meb’a’il ri ni k’ulun pa jun 85.7%, jun 45% ri ak’wala’ chuqa’ ri xtani’ kichin ri taq tinamït yalan niki tij wayjal.

Ri Organización de las Naciones Unidas ruchin ri tikob’äl chuqa’ ri wäy (FAO), nuch’ob’ chi ri k’ayewal ri ruya’on ri mayjal chuwäch ri ruwach’ulew, najin nib’e pa nïm, chuqa’ yare’ najin yeru tz’ila’ ri winäq ri ek’o pa taq amaq’il ri yalan majun k’ïy ta ki rajíl.

Xub’ij chi yare’ k’ayewal ruk’in ri wayijal xa kan niq’alajin nijote’ pa 100 millones chare yare’ juna’, ruk’in yare’ un qxaj qa ri 1.000 millones.

Ruma yare’ ri FAO, najin un kanuj achike nub’an ruchin yeruto’ ri ajsamajela’, huqa’ najin nisamäj, ruchin niki tamaj ri winäq chi yalan utz rutijik ri niki tik pa ki juyu’. Yare’ yalan utz chare ruch’akul ri winäq, achi’el ri Saqwäch, ri Oca, ri Olluca, ri Tarwi chuqa’ ri kiwicha. Ri winäq ma nikitïj ta yare’ taq rikil ruma ma kitaman ta ri rub’anikil.

Ri ruchajinik ri utz wa’in kichin ri winäq, chuqa’ ri utz k’aslemal, chuqa’ yalan nik’atzin ri yä’, ruchin ri tiko’n chuqa’ ri rikil wáy.

Po xa kan jun q’ij niq’ax, ri yä’ najin nik’is el, ruma ri ruchaqijïk ri ulew, ri taq k’wa’, ri kokoj taq raqan yä’ ri ek’o pa taq k’ichelaj, najin ye chaqi’j ruma yare’ x aman utz ta chïk najin nub’än ri jöb’.

“Xaxe niqwajo’ niki k’ut chiqawäch chuqa’ yoj ki to’”, kere’ xub’ij Felix Unoce chare ri IPS, ri nipe kel’a pa tinamït rub’i’ Padre Rum. Ri xub’ij xuk’ut chuwäch ri k’amol b’ey chi yalan nik’atzin ye to’ox ruchin niki to’ ki k’aslemal.(PÚLSAR)