Quilcué kullaxa siwa “Indígena jilla kullakanakana movimiento sartawixa suma qamaña jixatañawa, colombia jila kullakanakana jakawipaxa sayt’ayatapan, chiqapa amtawi ukhamaraki lurawimpi phuqasa, marka sarayirinikaxa irnaqapxpan markachirinakana sartawipa, amtawiparjama phuqasa.

Ukhama qhana arumpi arsusitapaxa, wali phiñasiyi jan jupampi amtäpki uka político jaqinakaruxa, ukhamïpansti diciembre phaxsina 2008 ukja marasti Edwin Legarda chachaparuwa jiwayapxi.

Quilcué dirigenta Kullakaxa, siwa chachajaru jiwayapki ukasti, wakichatawa, Suiza markana nayana Exámen Periódico Universal ukana arsuniwaykta uka qhipata ukx lurapxixa, siwa.

“Militaranakaxa sum yatipxänxa, nayana pusi alwa urasaru autojan saririktha ukxa, autun viaje lurañakayatha kunamtï irnaqiri sarirïkta uksa. Ukampis ukjaxa chachajakiwa autunx saraskäna, ma kullaka enfermerampi. Ukjawa soldadunakaxa illapt’asin jiwkatayapxi”sasawa qanacht’arakixa.

Quilcué kullakaxa saskakiwa, ejércituxa jisa jiwayapxta siwa, ukampisa jichhaxa thaqasipkiwa khitinakasa amtapxatäna ukhamarus mä orden churawapxatana jupanakaru, siwa.

“Qanaskiwa, jiwayañataki ordenaxa gobiernunta jutatapaxa, anqa markanakarux, nanakax guerrillerunakapkirijtsa ukama uñacht’ayañataki”, sasawa sixa.

Dirigenta kullakaxa qanachaskakiwa, gobiernuxa indígena jila kullakanakaru tukjañ muni, narcotráfico contraw irnaqapxta sasaxa, indígenanak contrawa irnaqapxixa.

Quilcué kullakaxa siwa “Paramelitaranakaxa indigenanakaruxa tama tamaruwa jiwarayapxixa, maysa tuqitxa guerrillerunakasa jiwarayapxarakiwa, janiwa sintipinxa, jan ukjasti dirigentinakaruwa jiwayapxixa”,sasa.(PÚLSAR/IPS)

al
07/10/2009





Audios disponibles:

Nos hemos convertido en una fuerza grande.
 2 min. 56 seg. (2,69 Mb.) archivo mp3