Ene mayumanta (CARE) Central Ashásinka tantaypi tukuy indígena ayllukuna, kay 108 nisqa lotepi sach’a sach’a chaypi Perúpi, mana munankuchu kay Corporación Pluspetrol, petroleota mask’anankuta nitax llank’anakuta.

Kay 108 nisqa loteqa 12.417 kilometros cuadrados jina jatun, tukuy kay Ene nisqa chaypi mayupi kasan, kay Junín, Cusco, Ayachakucho, chanta Pasco nisqa chisqakunapi.

Kay 108 nisqa lotetaqa 13 punchaypi diciembre killapi 2005 watapi Alejandro Toledo Perupi kamachix kasaxtin Pluspetrol Perú Corporatión nisqaman jaywapun, kayqa argentinamanta Pluspetrol qutu ukhupi kasan.

Kamachixkunaqa, kay viernes 29 punchaykama agosto killapi kay Ene nisqa mayupi taller willariykuna kananta suyasanku, kay willariyqa kananpuni tiyan, ajinamanta tukuy indígena ayllukuna pikunachus chay chiqakunapi tiyanku juñinankupax.

Ene nisqa mayupi tukuy 18 ayllukunapi Pluspetrol mana llank’ananta munankuchu.

Ayllumanta kaxkunaqa ñawpa kamachikunata qhawaranku, imaraykuchu mana imata waturispa ña concesión nisqa mink’ata Perupetro, Pluspetrol nisqawan jallp’ata chaypi llank’ananpax ña qillqanña.

Kaytaqa kay Convenio 169 kay Organización Internacional del Trabajo (OIT) mana allin qhawarispalla qillqarinku.

“Petroleo chay jina asqha chaniyux kaspaqa, mana allinchu kanman ajinalla saqirana” ajinata IPS nisqaman Energiamanta Viceministro Pedro Gamio rimarin.

Sapa pachaxmanta qanchis chunka iskayniyux jina tukuy Perú sach’arara chiqamanta hidrocarburos nisqapi qhawarinapax, llank’arinapax churanku. Tukuy chaykunari, pachata manchayta unquchin, chantapis indígena llaxtakunata llakiyman churan.

Tukuy kay willaykunaqa, Estados Unidos suyumanta Universidad Duke kay Carolina del Norte chanta kay no gubernamentales nisqa Save Americas’s Forests chanta land is Life tantaymanta kaxkunamanta qhawarixkuna rixsichimunku. (PÚLSAR/IPS)

Eco Jóvenes
14/01/2009





Audios disponibles:

"El pueblo asháninka no va a permitir tanto abuso".
 3 min. 47 seg. (1,73 Mb.) archivo mp3