Puerto Reconquistamanta kaxkuna chanta wax ayllukunmanta ima pikunachus challwa jap’iymanta kawsakunku, imachus kawsayninkuta llakiyman churanku sut’ita yachanku: kaykunaqa represas nisqa mayu quchachasqa, asqhamanta challwa jap’iy chantaqa, deportiva nisqa pujllay.

Kay challwakunaqa kay frigorificos llank’ayninwan mayu urapi manchayta pisiyachin, asqha juch’uy challwakunata jawa suyuman ranqhanapax urqhunku.

Qhatuman apanapaxqa challwaqa mana platu chuwamanta aswan jatunchu kanan tiyan, chay imata niyta munan, manarax mirasaxtin challwataqa jap’ina tiyan, chayri unayman kay industria nisqa llank’ayta may llakiyman churanqa.

Kay Reconquista nisqa puertopi, sapa wata kay Argentino suribi jap’iymanta atipanakuy apakun.

Ñawpax kax atipanakuypiqa, 1987 watapi challwa jap’iytaqa 4,8 metros ukhupi ruwax kanku, kunanqa 20 wata qhipaman, kaytaqa mayupi 2,5 metros maychus wakichixkuna tukusqankuman jina ruwanku.

“Kaypiqa tukuy pachamanta aswan jatun kax challwa jap’i atipanakuy ruwakun, icha nuqaykupax chaymanta mana imapis qhipakunchu, mana lata pinturallapis iñi wasi llimphichanapax kanchu” ajinata kay IPS nisqaman José Luis López kay Asociación de Pesqueros del Norte nisqay tantaymanta rimarin.

Julieta Peteán payqa bióloga kay fundación ambientalista Proteger, nisqa tantaymanta willarin, imaraykuchus ajina llakiy kay challwa japiypi kan, mana allin wakichiykuna kanchu, chayrayku represas nisqa qucha mayupi, chanta pesca industrial jina asqhamanta jap’iypi llakiypi rikhurinku”. Paraná nisqa mayuqa tukuy America del Sur nisqamanta aswan jatun chantapis ukhu mayu. Brasilpi qallarin, kay El Grande chantaqa Paranaíba nisqa mayuwan ima khuskachakun, puriyninqa3.600 kilómetros, delta jina kay Rio de la Plata nisqa qullqi mayupi tukukunankama.(PÚLSAR/IPS)

Eco Jóvenes
14/01/2009





Audios disponibles:

Los custodios del río.
 4 min. 01 seg. (1,84 Mb.) archivo mp3