Brasil markanxa, pa pataka tunka pisqani kastatwa taykañaxa utji, kunalaykutixa sapa etnia tuqina yaqa kastaxa. Ukja markanakana cultura sarnaqawinakapàrjama salud k’umara  wawani warminakana askin jakasiñapataki yatichaña, wali ch’amawa.

Yaqipa comunidadanakatakixa kunapachatï kullakanakax  ususxapxi ukja qhipatxa, placentaxa pachpa comunidadaruwa kuttxañapaxa, jupanakax sapxiwa comunidadana yuririxa, comunidadanaraki jiwxañaparakixa  sasa. Yaqipa comunidadanakanxa usur warminakaruxa wali yaqaichapxi, ñik’utanakaspa khuchupxi,  ukhamaraki pinturanakampis k’achachapxi ukhamawa.

Ukatawa, Departamento de Salud Indígena, ukhamaraki Fundación Nacional de Salud (Funasa) organizacionanakaxa mä uñtawinipxi salud k’umaran jakasipxañapataki usur mamanaka ukhamaraki yurir asuwawanakatakixa, ukhamarusa indígenas markachirinakatakixa  sartawiparjama uñjasawa amtawinakxa sartayapxi siwa.

Wali respetumpiwa uñjapxi cultura amtawiparjama sarxaruwinakxa ukhamaraki  partu katuqirinakana irnaqawiparusa.

Ukhamarusa, grupo feminista Curumim  uka tamankiri kullanakaxa Pernambuco estadunxa sapxiwa, Ministerio de Salud uksatxa, suma ch’ullqi sartawiwa salud k’umara tuqita utjañapa indígena kullakanakaru uñjañatakixa sasa.

Kunatixa, doctoranaka ukhamaraki enfermera kullakanakaxa janikiwa respetapkiti indígena kullakanaka cultura sarnaqawinakapxa, amuyt’awinaksa uka tuqitxa katuqapxi ukampitsa sasa.

Ukhamipatxa, Luiz  Inacio Lula Da Silva presidentixa utt’ayiwa indígenakana askina uñjatapxañapataki salud tuqitxa, Secretaria Especial de Salud Indígena, ministerio de Salud ukan sarayañapataki.

Salud Materna indígena amtawisti, qullirinakata, partumpi usuyirinakata ukhamaraki jachá ch’amakaninakan sartayawi amtawipatwa  mistuwayi, kunalaykutixa comunidadanakaxa sarawin sarawiniwa.

Fundación de Salud Funasa organizacionatakixa, yurir jisk’a asuwawanakana jiwatapaxa, menuswayaxtiwa 1999 ukjat aksaruxa.

Ukampirusa jichhaxa indígena comunidadanakanxa, jisk’a wawanakaxa wich’u usumpi ukhamaraki jurma, chuxu usunakampiwa juk’ampix jiwarapxixa yaqa markachirinakat sipanxa. .(PÚLSAR/IPS)