Hilaria Supa, Indígena quechua kullakaxa, janiwa escuela yatiqañ utaruxa sarkiti, ukampisa jupaxa diputadjamaxa Comisión de Educación del Congreso de Perú markana píqinchiriwa, jupana amtapasti educación yatiqawixa taqi Perú markachirinakaru puriñapawa. Supa kullakaxa, pisqa tunka paya(52) maraniwa, yuriwipasti Huallococha comunidada, provincia Anta, noroeste Cusco markan ukja chiqanwa jikxatasi. Familiapasti haciendanwa irqaqana.

Taqaqitatpachwa,  haciendana irnaqirinakar taqi janwalt’awinak patronanakana ukhamaraki autoridadanaka luratap uñjasawa uka contra  sayt’asiña ch’amañchatana,  ukhamipansti achachilaparuwa jiwkatayapxatana campesinunakana derechunakapa arxatasitapata.

Ukatsti irnaqatanawa  servicio doméstico ukam uñt’ata irnaqawina Cusco ukhamaraki Lima markana, ukatsti pä tunka maranaka pasataruwa markaparu kutt’anxatana, chachapaxa mä accidentina jiwatana ukata.

1989 tukuya marasti, Comité Micaela Bastidas de Anta uka p’iqiñchatana, 1991 ukja marasti secretaria de organización de la Federación de Mujres de Anta ukhama ut’asitana.

Federacionanxa wakicht’asipxatanawa quechua aruna ullaña, qillqaña  warminakaru, ukhamaraki wawanakaru yatichañataki, ukatsti  achunakaxa jan walitapa manqañatakixa  ñanqa químico qullanakampi yapuchataki ukxata yatxatañataki, qullasiña medicina tradicional uka qullanakaxa wali askïtapa uka yatiyañataki.

Supa Kullakxatsti ma libro qillqatawa utji “Los hilos de su vida”, ukhama sutiñchata, uka libruxa jichhasti wasitatwa  apsutani, kunatixa juk’itakiwa mistutana pasïri maranakaxa Cusco markanxa, juk’ampisti inglés ukhamaraki alemán arunakanwa wali yaqatatanaxa.

Ukhama jan estudionaka escuelana puqatapatxa, Partido Nacionalista Peruanona Diputada Supa kullakaxa, walja k’umiwinakwa, uñisnukiwinakwa  gobiernunkir Partido Aprista Peruano,ukhamaraki Alianza por el Futuro uksankir diputado masinakapata  katuqi.

Supa kullkasti siwa, khitinakatixa ukama uñch’ukipkitu  jupanakasti, “doctoranakawa, akjana presisentajam utt’atapkäna ukjasti janiwa kunsa lurawapkiti  armata markachirinaksti  armanukutakipiniwa jikxatasisipki  siwa”.

“Nayaxa campesinonakana, t’aqina jakasirinakana derechunakapa arxatiripatwa, uka titulUxa janiwa universidadanxa jikxatasikiti”, sasawa HilariaSupa diputadaxa tukt’ayi.( PÚLSAR/IPS)