Logo Púlsar Martes 06 de Marzo de 2012
Voces de la Tierra - Trad | Nota publicada el 27/09/2010 a las 17:27 hs.
PERÚ-MUJERES
Traducción en kaqchiquel
El sistema educativo peruano es “excluyente y discriminatorio”

Ri nuk’ulem tijonik ruchin Perú “Ye rulesaj chuqa’ ma nu ya’ ta kiq’ij ronojel winäq”

Kere’ nub’ij Hilaria Supa, jun qawinaq ixöq ri nich’o pa Quechua, ruya’ ma xb’e t ama tijobäl, po nisamäj chirij ri tijonïk par i Congreso ruchin Perú.  Ri nukanuj rya’ chi ri tijon¨k nik’ulun chike ronojel taq winäq.

Xq’ax yan 52 juna’ chi xelex Hilaria kela’ Huallococha, kela’ pa ti ko’ol tinam¨t ruchin ri Anta, pa taq juyu’ ruchin ri tinamït ruchin Cusco, ri rach’alal najin ye samäj ojer qa pa jun juyu’ ri ma kichin ta rye’.

Töq k’a q’opoj na, xsamäj janila ruchin ye ruto’ ri winäq chiki wäch ri kejaw nima’q taq juyu’. Chuqa’ xutzu’ rukamïk ri xuya’ ru k’aslemal chirij ri ki chojm ri ajsamajela’.

Chirij yare’ xsamáj pa taq jay kela’ Cusco chuqa’ Lima, kela’ xtzolin el chirachoch töq xkäm el rachijil pa jun tzaqanik ch’ich’.

Pa ri kajk’al juna’, xok k’amol b’ey ruchin ri moloj rub’i’ Comité Micaela Bastidas de Anta, po pa 1991 xok ri ajtzib’ ruchin ri moloj rub’i’ Federación de Mujeres de Anta.

Chupan ri jun moloj re’ xiki  ya’ ri tijonïk pa ch’abäl quechua chike ri ixoqi’ chuqa’ ri ak’wala’, xiki b’än janila taq samaj ruchin ri wináq niki tamaj chi ri aq’on ri samajin chïk ru k’amon pe retzelal, ruma yare’ yalan utz niki kosaj taq q’ayïs.

Xu tz’ib’aj jun ru wuj chirij ruk’aslemal rub’i’ “Ri b’ätz’ ri k’aslemal”, ma xtemetäx ta kela’ Cusco, ruma ma xya’ox ta q’ij chare, po wakami ni q’axex pa inglés chuqa’ pa alemán.

Ruma ma xutijoj ta r’i pa tijobäl, Hilaria ri wakami nisamäj pa congreso, ma nijawäx ta ruma ri partino Nacionalista Peruano, chuqa’ ruma ri Partido Aprista Peruano, chuqa’ ruma ri Alianza por el Futuro, xa kan yalan yetzijon chirij.

Hilaria nub’ij chi ronojel ri yetzijon chirij yare’ “ri nima’q taq winaqi’ ri xe’ok yan ajk’amol b’ey po majun ki b’anon ta chikij ri winäq ri kan ojer ri’ ma junan ta yetz’itox”.

“Rin yin aj samajel ajtinamital, yin samäj chirij ri ki chojm ri meb’a’il ajsamaleja’, yare’ samaj, yare’ wuj ma niqalesaj ta pa jun nim tijobäl”, kere’ xuk’ïs rub’ixïk Hilaria Supa.(PÚLSAR/IPS)


Traducción: Herber Morales
27/09/2010



Copyleft @2004-2012 AMARC-ALC | Derechos cedidos según las siguientes condiciones.
Agradecemos citar la fuente.