Bolivia markanana kamachinakaxa, warminakana dueño uraqiniñapataki derechunïñapaxa, wali sartayatawa nayraqataru taqi latinoamerica markanakat sipansa, ukhamarusa campesina kullakanaka jilanakaxa, uraqinakapatxa alisnukutax uñjasisipkakiwa.

Ukhamwa IPS tuqiru qanacht’i, Gaby Gómez García, Instituto Nacional de Reforma Agraria (INRA) uksa institucionan consultorjama irnaqiri kullakaxa.

Ukhamañapatakixa, chachanakawa amuyt’awinakapampi comunidadanakanxa janix warminakan sartañapxa munapkiti, ukhamarusa taqi warminakaxa janiwa liyt’asiñxa yatipkiti siwa.

Aka amtawina nayraru sarxaruñapatakixa, wakisiwa taqi markachirinakana ma amtawiki sarxaruña, ukhamarusa kamachinakaxa, comunidadanakana usos y costumbres sarnaqawinakarjama uñtayatañapa.

Gómez García mamaxa qanañchiwa, jichcha maratxa, khitinakatï funcionarios ukhama irnaqirinakaxa, mayipxañapaxa warminakana irnaqapxañapa kikipata comunidadanakanxa. Ukatakisti ma amtapxañapakiwa, ukjakiwa ma turkawixa utjani dueño uraqiru kullakanakaxa derechunipxañapataki.

“Kullakanakampiwa irnaqapxañasa, jupanakaxa yatipxañapawa derechunïpxatapa dueño uraqiniñataki, janiwa chachapakixa dueñukaspati uraqitxa”.

INRA institucionaxa uraqi título papelanaka churxixa ukampixa tukt’ayxiwa irnaqawipxa, ukampisa janiwa ukhamakïx tukukaspati, jiwasaxa thaqtanwa mä parlakipäwi utjañapa, ch’amawa comunidadanakana costumbre sarnaqawinakaparu atipjañaxa, siwa.

Gómez García mamatakixa, qullqiwa munasi, constumbre sarnaqawinakampi, warminakana derechunakapa uraqi tituluniñapataki uka amtawinakaxa iyaw satañapataki comunidadanakanxa.

2006 ukja marata 2009 uka marakamaxa, tunka waranqa warminakawa pataka suxta tunka pusini (164) hectáreas ukja uraqinakata, uraqi titulo papelanakxa katuqapxatana, 1997, 2005 ukja maranakaxa pusi waranqa ukjakirawa katuqapxatana.

Bolivia markaxa, tunka millona pusi pataka waranqa markachirinakaniwa, ukjanitsti niya chikataruwa jaljasipxi warminaka ukhamaraki chachanakasa.

Ukja markachirinakatxa, chikataniwa indígenanakapxtxa sapxixa, ukhamarusa chikatanita jilawa indígena jila kullakanakaxa.(PULSAR/IPS)