Ma suma jathaxa, ch’amañchaspawa aski alimento ma familiana manqañapa, kunapachatï manq’at awtjatax utjki ukjaxa, siwa, Dionicio Sarmiento, Huancavelica ukjan utjasiri campesino jilataxa, ukja chiqansti Perú markan wali pisina jakasiri jila kullakanakawa utjasipxixa, ukhamarusa jupanakaxa uraqina achunakax achki ukampikiwa jakasipxixa.

Dionicio jilaxa comunidad Tinquerccasa, kawkhantï utananakax aruwit lurata, yapu achuyawinakas amparampi lurataki ukjanwa jakasi. Ukampisa ukjanxa umaxa tuberiathaki juti ma uraki urunxa, janiwa servicio alcantarillado ukas utjkiti.

Tinquerccasa comunidadaxa distrito de Paucará ukankiwa, Huancavelica uka comunidadanakana utjasirinakaxa niya taqinipiniwa pisinaki jakasipxi, jisk’a wawanakaxa, niy chikataniwa desnutrición, jan suma manqataki jilsusipki.

Organización de las Naciones Unidas para la Agricultura y la Alimentación (FAO) uka organizacionaxa, siwa, aski alimentu manqañaxa mundo ukchpachanxa janiwa askikïti markachirinakatakixa, kunalaykutixa wali nairaru sartataki jach’a markanakaxa, países desarrollados satäki jupanakaxa, wali qullqiruwa manqwañxa aljapxi.

2010 maranxa, manq’at awtjatanakaxa pataka (100) millonaruwa purispa mundo ukchpachanxa, ukhamaspaxa1000 millona ukja jaqinakaxaspawa jan aski alimentunaka manq’at utjasirinakaxa.

FAO organizacionaxa, kunaymana proyectos productivos ukanakwa, taqi kasta achunak achuyaña, ukhamarusa wali aski alimentüki achunak achuyaña yanapt’aski, kunamäkiti, jupha, ch’uqi, apilla, ulluku, kiwicha, tarwi. Maysa tuqitxa walja comunidadanakanxa janiwa uka achunakxa uñt’apkiti, ni phayañsa yatipkiti. Alimentunaka utjañapaxa, uma achunak achuyañataki, uma umañataki utjañapaxa suma qamawi thaqawiwa taqinitaki.

Jichhaxa umaxa sapa kutiwa juk’ampi juk’aki utjxixa Los Andes comunidadanakanxa, jichhaxa pacha turkawinakawa jan walt’aykiti, uma jalsunakas wañsxi, khunu qullunakasa wañsxi ukhamaxiwa.

“Nanakaxa amuyt’ayapxitasman, yanapt’apxitasman ukaki munapxtxa”, siwa Felix Unocca, comunidad Padre Rumi ukjan utjasiri jilaxa IPS ukaruxa. Arsutapasti uñacht’ayiwa kunamsa uka chiqanakankir comunidadanakaxa jank’akipuni estaduna yanapt’apxa munapxi, manq’at awtjatawi, pinina jakasiwiru atipjañataki.(PÚLSAR/IPS)