Chaynalllataq nimun, Estado peruanos kay 2003 watapi qillqasqa huk acuerdo, Solución Amistosa nisqanta. Chaypis nisqa, arí qusaqkum chay indemnización chaytaqa víctima finada María Mestanzapa ayllunman nispa. Qinaspapas comprometikusqa chay quchayuq ruwaqkunata castigananpaq.

Perú suyupi Defensoría del Pueblo yachasqa, kay 1996 watamanta 2000 watakama yaqapas, iskay waranqa, qanchis chunka tawayuq (2047) warmikunata ligadura de trompas nisqanta ruwasqaku, mama wawayuq kanankupaq, mana chay warmikunata, munankuchu manachu, nispa mana tapuykuchkaspa. Chaytas ruwasqa, Programa Nacional de Salud Reproductiva y Planificación Familiar, chaypi llamkaqkuna.

Mana wawayuq kananpaq llapa qampisa warmikunamantas chunka suqtayuq complicasionwan wañukunku, wakinñataqsi unqunku, qusanku saqirun, mana llamkayniyuq kanku.

Chay qawam, Fujimoripa gobiernunpi tawa ex ministros qinaspa ex funcionariokuna, proceso judicialpi karqaku, chay quchankumanta. Chayrañataq kay 2009 watapi mayo killapim, fiscal Jaime Schwartz archivó chay casuta; chay delitukunaqa unay wata pasasqanñam nispa.

Chayna kasqan qawam, abogada Rossy Salazar, wañukuq María Mestanzapa defensan nimun, quejatas churamunña chay fiscal Jaime Schwartz contranpi. Chaymantapaq haypaykunñas chay Comisión Interamericana de Derechos Humanos (CIDH) informe ruwasqanta. Chaypim nichkan quchayuq kaqkunata castigachun nispa.

CIDH, umalliqnin mama Luz Patricia Mejía, paiñataq nin, Poder Ejecutivo ruwachun compromisunta qinaspa investigachun chaynallataq castigachun llapa quchayuqkunata nispa.(PÚLSAR/IPS)

Traducción: AMARC Perú
09/02/2010