Pa ri tinamït ru b’i’ Pucyura, K’o jun wolaluj xo’etok’al chare ri Cusco, ri ixoqi’ ye k’o chuwäch ri samaj kik’in ru taq Cuy. Ruk’in yare’ niki mololej ki’ ruchin ye samäj chirij ri ki chojm.

Xa kan xq’ax yan ka’i’ juna’ chi ri ixoqi’ niki tzuq ri taq Cuy ruchin niki tïj, chuqa’ ruchin niki k’ayij el chike ri winäq.

Ri kiyisanem ri Cuy najin niki b’än ruk’in ru to’onem ri Proyecto Corredor Puno-Cusco, ri xtojox ruma ri Fondo Internacional de Desarrollo Agrícola (FIDA) par u k’isb’ej ri 2008. Yare’ yalan nik’atzin ruchin ri ixoqi’ niki nïm ki’ chupan ri k’ayb’äl, chuqa’ ruchin niki tununej ki’ ri ka’i’ tinamït re’ ri yejachox kimal 380 xo’etok’al.

Ri Cuy yan utz chike riki ch’akul ri winäq, chuqa’ yalan utz chike ri majun janila ki rajil. Ruk’in yare’ chuqa’ ruma x ama kan k’eyew ta ye k’yjtisäx.

Pa qa q’ij kami, k’o jun 500 ajk’iytirisanel ri cuy ri ye k’o pa 7 molojwinäq, ri ki molon ki’ chupan ri Asociación Central de Mujeres de Pucyura, kere’ xu saq’ijrisaj Indira Nuñez.

Po täq ma xta’on ta chïk ri FIDA, ri k’ayij e ri k’iytirisab’äl ruchin taq Cuy xqaj pe janila pa ri 2009. Ruk’in yare’ xu tun ri’ täq ri q’ayis ruchin niki tij ri chikopi’ xa man utzta xel. We niki loq’ yalan nim rajil yare’ q’ayis.

Po ri ixoqi’ ri ki mololen ki’ pa ri Asociación Central de Mujeres de pucyura, ki tazaqlb’en rij ruchin niki chüp el ronojel etzelal ri nb’an chike pa kichoc, kere’ xu b’ij ri ajk’amol b’ej Nuñez.

Ri ixoqi’ re’ xiki b’än jun jay ajkolob’ib’el kichin ri ixoqi’ chuqa’ ri ak’wala’. xto’on chupan yare’ ri ajk’amol b’ey amaq’, chuqa’ ri amaq’ lo’ij.(PÚLSAR/IPS)

Traducción: Herber Morales
19/11/2009