Jiccha marawa qalltasi markanakanxa yupaychaña pa pataka maranaka qhispiyata españolanakatxa jikxatastana ukaxa.

Ukhamarusa, uñjasirakiwa kunjamsa janix yäqaskiti, warminakana ch’amampi irnaqapxatapa, ch’amampi chaxwapxatapa españolanak contra 1809 ukjamarata 1824 ukja marakama ukaxa. Amtanwa ma qawqa kullakanakana sutipa, khitinakatï abiayayala markanakaxa jan jisk’achata uñjasiñapataki, qhispiyatañapataki españolanakatxa ukataki ch’axwapxatäna.

Micaela Bastidas kullakaxa, (1745-1781) ukja marana juritäna, chachapasti Tupak Amaru jupatänawa, jupasti chachap chikawa Perú markanxa españolanakaruxa sayt’i, ukhamipansti panpachaniwa ukuru jiwayata jikxatasipxi, Tomasa Condemayta kullakampi chika, khititï capitananwa soldado warminakana, walja kutiwa atipt’apxatana española soldadunakaruxa.

Bartolina Sisa (1753-1782) kullakaxa, aymaranwa, chachapasti Tupak Katari, khititï pusi (40) waranqa indígena jila kullakanakaruwa unxtayi españolanakar atipjañataki.

Manuela Cañizares(1769-1815) kullakaxa, Quito markanxa katuqiwa khitinakatï sayt’asipkatäna españolanak contra jupanakaru 1809 maranxa, ukhamaraki Maria Ignacia Rodríguez (1765-1817) kullakaxa, México markanxa wali ch’amañchatanaxa patriotanakaru.

Gertrudis Bocanegra (1765-1817) kullakasti, wakichatänawa walja markachirinaka españolanak contra ch’axwañataki México markanxa, ukhamipansti españolanakaxa katjapxatana ukatxa jiwkatayapxatanawa.

Chile markanxa, Javiera Carrera(1781-1862) kullakaxa, ch’axwatanawa, Bernardo O Higgins jupampi chika. Ukhamaraki, Policarpa Salavarrieta, Colombia markankir kullakaxa, sintipiniwa markapanxa españolanak contraxa ch’axwarakitäna, ukatsti fusilt’atawa Colombia markanxa jiwi 1817 ukja maraxa, Alejo Sabaraín muniripampi chikt’ata.

Militaranakjamaxa, amtanwa akniri warminakaru, Juana Azurduy, khititixa walja guerrillas satäki ukanakanwa ch’axwawayi, Ayohuma chiqana Potosí markana 1813 ukja maraxa, ukhamaraki La Laguna ukja chiqana 1816 marana, ukanwa wali usuchjata jikxatasiwayi, ukanarakwa Manuel Padilla chachapaxa, kunapachatï jupar yanat’iri saräna ukjaxa jiwawaraki. (PÚLSAR/IPS)

Traducción: Eco Jóvenes
19/11/2009