Ley Contra el Acoso y la Violencia Política uka kamachixa warminakatakixa, thaqiwa respeto utjañapa khiti kullakanakatï política tuqina irnaqapki jupanakatakixa, kikipana uñjatapxañapataki irnaqawinaka tuqinsa.

Aka kamachi wakichat’awinsti mayiwa, candidatas, voto tuqi chijllata ukhamaraki jichhaxa política tuqi atipawimpi irnaqasipki uka kullakanakaru respetumpi uñjaña, warmitapat jan walt’awinaka chachanak tuqitxa katuqapkchi ukjaxa, uka chachanakax yuchañchatañapataki.

Aka kamachi amtawimpisti juchañchataniwa, khiti chachatï irnaqawina warninak contra jan walt’aw amtawinakampi jisk’achkani ukjaxa, irnaqawipatxa sayt’ayataniwa ma pacha, juicios civiles ukhamaraki penales ukaru puriñkama, jan ukjax sinti jach’a juchanïchixa wiñayatakiw públicos uka irnaqawitxa sayt’ayatanixa.

Khititï gerente generala, Asociación de Concejalas Bolivia markatha(ACOBOL), María Eugenia Rojas kullakaxa, qanañchiwa IPS ukaruxa, pa pataka (200) quejanaka katuqatatxa asociacionanxa, Violaciones ukawa juk’ampixa sasa, “Kullakanakana jakawipaxa, wali llakkayawa, jisk’achawinaka, usuchjawinaka katuqapxixa warmipxi ukatxa irnaqawinakapanxa “siwa.

Ukampisa janiwa jichhakamaxa juchañi jikxatata chachanakaxa, juchapxa katuqapkiti Justicia tuqitxa.

ullakanakaru uñisnukuña, jisk’achaña chachanak tuqitxa, juk’ampixa uñjasiwa comunidadanakana alcaldía tuqinakana.

ACOBOL, instirtucionaxa ma yatxatawi phuqawayi 2000 ukhamaraki 2005 ukja maranakaxa, uka yatxatawinsti, uñacht’asiwa kunjamsa irnaqawinakanxa,concejala kullakanakarura jisk’achapxätana cargupa jaytawaxañapatakixa, ukatxa jupa lanti mä chacha manxañapataki.

Kijanakatxa, pataka kijatxa pä tunkaniruwa alcaldía uksanxa kullaka consejalanakaruxa nuwjapxatäna, maysa tuqitxa, niya tunka llatunkani kullakarurakiwa jan aski amtawinakampi arkanaqxapxatänawa, jani fiscalización ukhamaraki vigilancia uka irnaqawimpi kullakanakax phuqapxañapataki. (PÚLSAR/IPS)

Traducción: Eco Jóvenes
19/11/2009