Uka markansti, Cruz kullakaxa, nayriri warmitänawa alcaldíaru purir munirixa. Uka phuqasiñapatakixa yaqipa chachanakaxa ch’amañchapxatänawa, ukampirusa khitinakatï asamblea sarayiripki jupanakaxa, janiwa kullakaxa alcaldesakäspati, kunalaykutixa jupax warmiwa, janiw warminakatakikiti uka carguxa sasaw six sarawisanxa sapxatanawa.

Pa tunka llatunkan marani, Zapoteca comunidadankir Cruz kullakaxa,ukhama warminakar jisk’achawi atipt’añatakixa, México capital markanxa ma organización civil satäki uk utt’ayi, warminakaxa jan comunidadanakanxa juk’ampis jisk’achataxañapataki, kunamtï walja estado de Oaxaca uksa comunidadanakana jichhurunx pasaski ukhama.

Ujka chiqanxa utjasipxiwa niyas ma millón chikatani indígenas jila kullakanaka, walta’atanipxiwa taqpacha Mexico markachirinakat sipanxa.

Quiego organizacionana irnaqawipaxa, janiw ukhamakïkiti, jan ukjasti jan jupana amtawinakapampi iyawa sapki uka jaqinakatha, jakawipampi tukuyaña amtawi arunaka katuqatana, ukatawa jichhaxa policiana uñjatawa utjasixa.

Ukhamaraki, Cruz kullakaxa, ch’amañchatanawa ma kamachi Oaxaca uka markana Constituciónanxa uchasiñapataki, jani kuna comunidadana sarawinakaxa, indígena warminakana políticos uka derechunakaxa respetatäñapataki.

Pataka pusi millona México markana markachirinakatxa, tunka payani millonawa indígena jila kullakanakaxa, jupankatsti niya tunka mayani millona jaqinakawa wali t’aqinapuni utjasipxixa. Niya suxta millona jila kullakanakawa jani liyiña qillqañsa yatipkiti, janira pisqa mara puqhata wawanakapasti jani suma manqatawa jikxatasipxi. Uksti qanañchiwa Informe de desarrollo humano sobre aborígenes mexicanos ukhama sutiñchata yatxatawi 2006 ukja maranawa, Programa de las Naciones Unidas para el Desarrollo uka organizacionaxa uñacht’ayi.

2006 ukja maranxa, kullakanak tuqita ma yatxatawiwa, Comisión Nacional para el Desarrollo de los Pueblos Indígenas ukanxa siwa “Sintipini t’aqisitanakata, taqisitatxa jikxatasiwa indígena kullakanaka”.

Jan ullasiri, qillqasiri indígena kullakanakaxa, chachanakat sipansa, juk’ampiwa.

Oaxaca comunidadakanxa, tunka pisqani mara jilïri kullakanakatxa, chachanakat sipanxa jukámpi jilawa jan ullt’asiri qillt’asiri warminakaxa.(PÚLSAR/IPS)

Traducción: Eco Jóvenes/Bolivia
07/10/2009