Ri ki b’anikil ri aymara niki k’exla’ taq mololen chikiwäch.

Ri yare’ ki b’anikil k’a ni tz’atox na p ata tinamït pa taq nimaq’ij pa 16 ruchin ri julio, par i tinamït ru b’i’ el Alto, pa taq k’ayb’äl ruchin Santa Cruz de la Sierra, chuqa’ pa taq k’ayb’äl ruchin ri Liniers, ri ru k’u’x ri argentina.

Yare’ un kawin nu tzijoj ma Leonardo Esteban, k’o 50 ru juna’, yra’ un k’axla’ nu samaj chiki kojöl ri winäq täq k’o nima’q taq nimaq’ij.

Ruchin yare’ k’o chi nb’in konk’an pa taq tinamït ruchin un k’exela’ ru samaj.

Chupan ri jun tijonïk ri xb’an pa 2001, 1 millon 278 mil 627 winäq niki bïj chi ri aj aymara yare’ ri ruka’n b’anikil yalan nïm ru q’ij chiki kojol ri 1 millòn 557 mil 689 winäq Quechuas chupan ri jun amaq’ akuchi ye k’o 9 millones 200mil winäq.

Ri yalan nïm k’ayewal xb’anatäj ruk’in ri ki rajil pa taq juna’ 80, chuqa’ xelesex ki samaj yalan k’ïy winäq ruma ri k’amol b’ey amaq’, yare’ xu b’än chi ri winäq xiki kanuj jun chïk ru b’anïk niki ch’ek ki way, chuqa’ xki chäp rij ye k’ayin chaq b’achki.

Ri aj kanunel Lucìa Rosales ruchin ri global Labour Institute un b’ij chi chupan ri 1994 chuqa’ ri 2000, yalan k’iy winäq ye samäj chaq b’achki, yare’ yalan rachuq’a’ chiki kojol ri winäq ri ye samäj par i amaq•, kere’ xu b’ij ri Organización Internacional del Trabajo ¿OIT?.

Ri ch’ob’oj xb’an nu k’ut chi yalan k’iy ixoqi’ ye b’ano yare’ samaj chiki wäch ri achi’a’.

Traducción: Herber Morales

06/01/2009