Ukax ukhampiniskiwa sapxiwa yatxatatanaka ukhamaraki arxatininakasa Bolivia markanxa.

La Constitución Política del Estado incluyó un total de 26 artículos a favor de las mujeres y concedió derechos civiles, de género, equidad social, e igualdad de condiciones con los varones.

26 suxtani articulunakawa, warminaka favoraxa, Constitucion Politica del Estado Plurinacional uka jacha kamachikxa, warmisa chachasa kikipañapataki, equidad social, ukhamaraki derechos civiles satäki kamachinakaxa phuqayatañapataki.

Gobiernos departamentales ukhamaraki alcaldianakana irpïri indígena warminakana irnaqapxatapaxa “wali ch’amampiwa sartaski jichha pachanxa”, sasawa, Verónica Tejerina, Fondo de las Naciones Unidas para la Infancia (Unicef) uka organizacionana representantipatakixa Bolivia markanxa IPS ukaruxa qanañt’i, kunatixa uka irnaqawinakanxa chachanakakiwa phuqapxanxa jichhakamaxa, sasa.

Ukampirusa, Beatriz Tapanaché Santa Cruz markana dirigenta kullakaxa, IPS ukaruxa, siwa “Kamachinakaxa warminak favorawa, ukampisa pilitico cargunakanxa, chachanakaxa janiwa warminakaru jalt’asiyañx munapkiti walja organizacionanakanxa”, sasa.

Amtañani, 2012 ukja maranxa, Beni departamentuna, Guayaramerín municipiona, Daguimar Rivera concejala kullakaxa, jiwayatawa uñjasiwayi.

Agrupación ciudadana Primero el Beni uka tamana representantipaxa, municipiopana jan waltawinaka lurasipkatapa uka denuncia ganañchi uka juk’a urunaka pasxiparuwa pa balampi illapt’awi katuqawayi.

Ujka pachpa marawa, Departamento de La Paz, Ancoraimes indígena municipiona, Juana Quispe, aymara concejala kullakaruxa, jiwata jikxatawapxi. Jupasti niya paya kutiwa jan walt’awinaka kijantawayi municipio autoridadanaka contraxa.

2012 marana, mayo phaxinxa, Evo Morales presidentixa, Ley Contra el Acoso y Violencia Política hacia las Mujeres kamachi apsuwayi, warminakaxa jani abuso jan walt’awinakana utjxapxañapataki, uka kamachinsti paya marata kimsa qallqu marakamawa carcelan jist’antata jucha juchachasiruxa phuqapxani.(PULSAR/IPS/ECOJÓVENES).

2006 ukja maratwa Atipiri radioxa wakichawinakapampi qallti, Centro de Educación y Comunicación para Comunidades y Pueblos Indígenas organizacionana amtapampi wayraru mistuwayi, El Alto markatpacha, La Paz departamentuna.

Ukhama amtawimpiwa irnaqixa, “comunitaria radioxa comunidadanakana aski jakäwina sartasiñataki ch’amañchiriwa”, yatiyawinakasti jutiwa “comunidadanak saphi aru chuyma manqatpacha”.

Aka radionsti yäqiwa, yatiyiri comunicadores jupanakaxa, pachpa arupana arsusipxi, ukhmaraki wakichäwinaksa comunidadanapatakiwa wakicht’apki.

Donato Ayma tataxa, siwa, Bolivia markana comunidadanakanxa “radioxa wali wakiskiripiniwa comunarionakatakixa, kuna yatiyawinaksa radiotpinwa yatipxixa, ukhamarusa taqiniwa ma radionipxixa”, sasa.

Comunitario radionakaxa, comunidadaruxa arxayiwa kunamtï comunidadanakana costumbre sarnaqawinapäki ukhamaru, kunatixa yaqa jacha periodicunaka, radionakasa, janiwa comunidadanakaruxa yäqapkiti.

Uka amtawinakwa, Ayma comunicador yatiyirixa, radiotuqxa sarantayi, pachamama uraqi sum uñjana, umaxa suma uñjatañaparaki jaqina ukhamaraki uywanakana, quqanakana umañapataki, medio ambiente ukasa suma uñjañasataki, taqi ukanaka.

Akam irnaqäwi suma phuqatäñapatakixa, pachpa comunarionakana organizacionanakaparu ist’asawa radion wakich’awinakapaxa wakicht’ata, ukhamana comunicador yatiyirixa uka amtawinakaru ch’amacht’asa irnaqañapataki. (PÚLSAR/IPS/ECOJÓVENES).

“Ukhama Santa Cruz markana jiltatapampisti; ayoereoanakaxa janiwa askin uñjatäpkiti markachirinakampixa, jupanaksti callenakana limosna mayisisa, jan aski irnaqawinaka puqasa ukhamana jakasipxi”, siwa, Luca tataxa.

Niya 20 tunka maranakanxa, Bolivar sutini barrionxa markachirinakaxa chikatan chikatanipwa jilxattixa, ujkaruwa ayoreo indigenanakaxa utjasirixa puripxixa.

Ayoreonakaxa janiwa ma ukhanaki utjasipkiti, jan ukjasti sarnaqawiparjamaxa taqi chiqwa jithinaqapxi, aruskipasiña arupxa janiwa chhaqayapkiti, jupanakasti Chaco Boreal ukham sata uraqinakanwa nayratpacha jakasipxiritänaxa.

Jupanakasti uttjasipxiwa achunaka apthapisa, uywanaka jiwayasa, jisk’a yapunaka yapuchasa manqasiñataki, jach’a markanakansti irnaqapxiwa albañilanakjama ukhamaraki quqanaka qurasa k’achachasa utanakana.

Warminakasti, garabatä sata quqa alitwa bolsanaka, collaranaka ukhamaraki isinaka uskusinataki ukhamaraki aljanataki kuna lurapxi.

Santa Cruz markanxa, callenakana, qatunakansa uñjasiwa ayoreo jisk’a wawanakaru ukhamaraki warminakaru artesanianaka aljaskiri.

Ayoreo comunarionakana jach’a markanakankapxatapaxa janiw askikït jupanakatakixa, kunalaykutixa armasxapxañapawa cultura sarnaqawinakapatxa, siwa, antropólogo Citarella tataxa.”Cultura sarnaqawipa armayapxi ukatsi, juk’ampi jan waliwa, ayoreonakaxa jan jaqirjama uñjatäpki ukaxa”, sasa.

Educación yatiqäwi katuqaña, k’umara sarnaqawi utjasiña ukasti, janiwa utjkiti ayoreo comunidadankirinakatakixa jach’a markanakanxa.(PÚLSAR/IPS/ECOJÓVENES)

190 ukjani indigenanakawa pa tunka pusini (24) hectárea uraqinakana, Paraguay markampi qurpana jakasipxi, qamasipki uka utanakapasti wali pisikiwa, ukhamarusa 2000 ukja maratwa kumuna uraqi papilanixipxixa.

Tarija departamentunxa, Samuguate comunidadana utjasir waynanakaxa, jan kuna askis lurañjamakipanxa, yaqa markanakaruwa kumunidad jaytanukusa sarawaxapxi.

Pilcomayo jach’a jawiratxa, sábalo challwasti chaqawaxiwa, challwaxa tapietes kumunarionakatakixa wali wakiskiripininwa sapüru manqasiwipanxa, jicchasti janiwa ukhamäxiti. Akhamañapatakixa jawirawa jan sumx pichaskiti, umasa janirakiwa sumx jaljaskiti.

Ukampirusa uka uraqinakanxa utjaskakirakiwa suma uraqinaka, uywanak kuna, ukana utjasirinakataki, achunaka apthapiñataki, challwa katuñataki uywanaka manq’añataki.

Ukatawa tapietes indigenanakaxa, autoridadanakaru juk’ampi uraqinaka mayipxi, 59 waranqa hectareanaka jilxatayaña, mamurayanaka uywaña, wakanaka uywaña, ukhamaraki turismo uka proyectunaka lurañataki.

Jach’a Capitan tapietes irpiri Jose Luis Ferreira tataxa, siwa, tapietinakaxa jichhakamaxa costumbre sarnaqawinakapxa wali respetumpiwa sarayasipkakta, música kirkt’awinaka, tapietina arsupsa. Ukatawa yanapt’a mayipxi comunidadapaxa respetumpi uñjatañapataki.(PULSAR/IPS/ECOJÓVENES).

Tarija departamentuna comunario jakasirinakatakixa, juk’ampi wakiskirixa umajark’añawa, umawa taqikunat sipanxa juk’ampi wakiskirixa.

Indigenanakaxa octubre phaxsitpachawa Pozo Caigua X1001, YPFB Chaco empresana mantañaru maquinaria ukhamaraki trabajaduranakaru jark’antapxi. Ukhama jan petróleo Parque Nacional Aguaragüe ukjana thaqapxañapataki.

Ukjanwa jikxatasi ma jach’a uma represaxa 700 hectarea ukch’a yapuchaña uraqinaka ch’axchunataki, ukhamaraki tunka pisqani comunidadanakawa um umañataki katuqasipxi uka represatxa.

Jach’a jiliri sarayiri Consejo de Capitanes Guaranies de Tarija uka organizacionata, Tomas Araray tataxa siwa, IPS ukankirinakaruxa, thaki jark’antawisti sarantaskakiniwa, explotación y exploración uka irnaqawinakaxa, Caigua represaxa ukjankaskakiñapa ukax suma respetatani ukjakama, sasa.

Guaranies comunarionakaxa axsarapxiwa uma represaxa, empresa petroleranakana irnaqawinakampixa vininjata uñjasispa, kunamti niya 20 tunka phuch’unampis pasxixa ukama, sasa.

Ukja jak’ana uraqinakanxa umaxa wali ch’isli ukhamaraki q’anuwa, janiwa uywanakansa, jaqinakansa umañjamakiti, siwa.

Yacimientos Petrolíferos Fiscales Bolivianos empresaxa, ma amtawinxa compromitisiwa phuch’unakxa sum imantañataki ukhamaraki taqi jan walt’awinakxa askicht’añataki, ulhamarusa jichhakamasa jan walt’awix ukhamaskakiwa, umax q’anuskakiwa ukja uraqinakanxa, ukja uraqinakasti 2000 ukja maranwa parque nacional ukhama utt’ayataxi.

Hidrocarburos Ministerioxa, comunarionakaxa jark’antapxiwa “nayrar sartaña”, sasa, comunarionakasti sapxarakiwa “umwa arxatasipkta”, sasa.

YPFB empresana presidente ejecutivo, Carlos Villegas tataxa, siwa IPS, uksankirinakaruxa, comunarionakampi uka jan walt’awinaka askichañatakixa, utjiwa ma amtawi askichañataki, sasa. Ukhamaraki “wali suma uraqinakxa jark’añataki”, sasa.(PULSAR/IPS/ECOJÓVENES).

Uka departamentunsti wali político chhaxwawiwa utji político partitunakana, maysa tuqitxa Evo Morales presidentiru ch’amañchapki jupanakata, maysa tuqitxa jan munapki jupanakataraki.

Ukhamipansti Asamblea Legislativa Departamental Tarija markanxa, janiwa ma arust’awiruki atipkiti, kunapachatï ma amtawiki puqañäki ukjaxa.

Ukhamipanxa, kunapachati indígena Asambleistanakaxa ma voto jaqupxañapaki ukjasti, wali wakiskiriwa. Vicente Ferreira tataxa Tapietes comunidadana representantipawa, Justino Zambrana tataxa, Guaranï comunidadana representantipa ukhamaraki Antonio Tato tataxa, Weenhayek comunidadana representantiparaki.

Amtañani, kunamsa aka kisma representantinakana votopaxa wakt’ayi, Mario Cossío, gobernadorakäna Camino al Cambio político partido oposición jupana jaqtatañapatakixa.

Mayo phaxsina 2010 maransti, Justino Zambrana tataxa, utt’ayatawa Asambleana presidentipjama, opositores jupanakana votonakapampi.

Aka kimsa origenarios comunidadanakaxa Tarija departamentunxa, jan yäqatapiniwa jakasipxäna político tuqina ukhamaraki institucionanakatsa 2009 ukja marakamaxa.

Jichhaxa ukja maratwa costumbre sarnaqawinakaparjama representatinakapxa chijllasipxi.

Ukhamañapatakisti machaqa Constitución Política Bolivia markanwa qanañchi, sapa departamentuna asambleanakanxa utjañapawa indígena comunidadanakana representantinakapa, Tarija departamentutakixa utjiwa kimsa representantinaka indigenanakatakixaa.

Maysa tuqitsti, representantinakasti turkatasphawa janitixa aski irnaqäwi phuqawayki ukjaxa, ukasti niyawa phuqasiwaxi. Weenhayex comunarionakasti niya pa representantinakaparuwa turkxapxi jichhakamaxa. (PÚLSAR/IPS)

Campo petrolero Caigua jak’ana jak’asir comunidadanakax Tarija departamintunxa, mayipxiwa ist’ataña ukhamaraki jiskt’ataña thakinaka, utanaka khawkhanams lurapxani ukxatxa.

Cesar Aguilar, Consejo de Capitanes Guaraníes Tarija departamentutxa,siwa, Caigua empresana irnaqawinakapaxa jan walt’awi comunidadanakatakixa apani, uma umapkixa comunidadanakaxa ukax contam inataxiwa, khamarusa thakinaka jist’arapkix ukasti pusi pataka familianakan yapuchañ uraqinakapnama manti, sasa.

Chaco uraqinakan comunarionakaxa, walt’ata YPFB empresa contrax sartasipxi, jan uka empresaxa kamachinakpi puqatapata, jani indígena comunidadanakaru jiskt’atapata proyectos ukanaka sarayañataki uraqinakapana ukata.

Jiliri guaraní comunidadan sarayirinakasti amtapxiwa kunamsa Bolivia markana Constitución Política uka jac’ha kamachinxa Estado Plurinacional ukhamaxi.

Ukhamaraki Organización Internacional del Trabajo, Convenio 169 uka jach’a kamachinxa, siwa, janïra kuna trawajunaka indígena uraqinakan lurkasaxa jupanakarux jikst’asiñapapiniwa, sasa.

Chaco boliviano uraqinakanxa kimsaqallqu tunka pusini (84) waranqa indígenanakawa jakasipxi, jupanakatsti niya suxtatunka kimsani (63) waranqaniwa wali t’aqina utjasipxixa, siwa yatiyawinakaxa.

Faustino Flores,Asanblea del Pueblo Guaraní (APG) uka organizacionana presidentipaxa, siwa, kunamtí qullqinaka Fondo de Desarrollo Indígena (FDI) uka institucionaxa, janiwa askïkiti sasa, kunatixa taqiwa apnaqata La Paz markatpacha, sasa.

Ukkamarusa, Flores irpirixa siwa, “kunamtí petróleo cañerianak tuqinama apapkixa, ukhamaraki uma utjañapxa puqañapaxa, sasa”.

Flores dirigintixa saskakiwa, “Guaranï markachirinakaxa, janiwa favorxa mayipkiti, jan ukjasti estaduxa phuqañapawa taqi yänakampi uraqix churki ukampi”, sasa.(PÚLSAR/IPS).

Franciscusti kimsa tunka suxta marani, ukhamaraki Alfonsusti kimsa tunka kimsani ukja maranipxiwa moxiñu comunidadatapxiwa jupanakaxa.

Jupanakasti, músico instrumentunak luraña, askicht’añxa, tatapatwa yatiqapxixa. Ichu Tamo jilanakaxa, Beni departamentuna San Ignacio de Moxos uka municipionwa yuripxatäna, jupanakatakisti música kirkt’awinakaxa jakawipakasphas ukhamawa.

Alfonsuxa, Bolivia markanxa wali unt’ata escuela barroca y renacentista americana Uruwichä, uka escuelanwa yatiqawayi, uruwichä comunidadaxa pueblo indígena guarayu ukanwa jikxatasi.

El Instituto de Formación Integral, Coro y Orquesta de Urubichá es una referencia en el rescate de la poco conocida identidad clásica boliviana. Allí se produce un sincretismo único de instrumentos de cuerda y viento.

Instituto de Formacion Integral, Coro y Orquesta de Urubichä, uka jach’a música yatiqañ utaxa, wali uñt’ata ukhamaraki yäqatawa, kunalaykutixa yatichiwa kunamsa cuerda ukhamaraki thaya (viento) instrumentunakaxa kirkt’awinakapampi jikintasipxi uka.

Alfonsumpi, Francisumpixa ma violina, violenchelo jan ukjax ma viola sata instrumentunakxa lurt’apxaspawa niya paya hasta pusi semana ukja pachanaki.

Ichu Tamo jilanakaxa, instrumentunaka lurañxa yatiqawapxiwa, sinti suma Francia, Suiza, Alemania, Argentina, Venezuela ukhamaraki Italia, uka markankiri yatichirinakata yatiqasa.(PÚLSAR/IPS)

Jose Mollo, historiador tataxa, siwa, organist’asipxtwa siglo XX qallta maranaka, “markasana historia sarnaqawinaka chiqäki uk yayiyañaataki, jani yatiyapki uka historia yatiyañataki.

Ukama historia thaqawinxa jikxtasiwa cacica María Lusa jupana utjawipata, siglo 17 ukja maranakana khaysa europa markanakana.

1990 maransti, Francia markankir ma historiador tataxa, siwa, uka warmisti wali qamasani warminwa sasa.
Ukampisa sarnaqawipata juk’ampi yatxatasaxa, yatisiwa wali chamätana Juan Moya jupampi utjatäna ukaxa.

Pedro Callisaya historiador tatax siwa, “Moya, Lusa ukhamaraki familianakapampixa, wali uraqinakxat ch’axwapxatana, indigenanakampixa”, sasa.

Jupa pachpa historiador tataxa, Mariano Quispe achachilanakapan sarnaqawipxata yatxatatana, periodiconakana khuchutanakata, ukhamaraki ukja pachanakan carlenanakan informenaka lurapxatana ukanak uñakipasina.

Ukansti jikxatatanawa, kunjamsa achachilapaxa ma tama jaqinakampixa 1930 ukja maranakaxa comunarionakaru ullaña qillqaña yatichapxatana, altiplano ukhamaraki valles uraqinakana chuquiagu markana.

Ukamipansti, “comunistata” juchañchatawa carcelaru jist’antata jikxatasipxatäna.
Quispe tataxa, 1993 ukja marawa carcelana jiwatäna. (PÚLSAR/IPS)

Akama amtawiru puritaxa, mistuwa pani kullakanakata jikist’awitha, maysa tuqitxa comunidad Qaqachaka ukankir Elvira Espejo artista kullakampi, ukatxa Denise Arnold antropóloga Anglo-boliviana kullampitha.

Aka amtawisti jikxatasiwa “Ciencia de Tejer en Los Andes, estructura y técnicas de faz de urdimbre”, sat libruna.

Aka irnaqawinsti qanañchiwa, kunjamsa sawuñanakxa nayrjapachatpini Los Andes markachirinakaxa lurapxirïtana uka tuqita.

Ukhamarusa, aka sawutanakaxa uñachayasiwa inglés, francés uka yaqa arunakana qanañchasa, ukhamaraki yaqa chiqa markanakana p’itatanaka, sawutanaka lurapkix ukanakansa.

Denise Arnold kullakaxa siwa, “kunamatï sawuñätaki walichañäki ukaxa mayacht’atawa” taqi sawurinakataki akja markanakanxa, sasa.

Aka librunxa qananchiwa “faz de urdibre” ukama irnaqawixa, janira española jaqinakaxa los andes sudamericano markanakaru purinipkana ukjata pachana lurasiskatapa.

Aka yatiqawixa akamawa, telaranxa, sawu lawanakarusti, kasta kasta, sami ch’ankanakampiwa chinuntaña sawuntañataki, ukxaruwa ch’añkhanakatsti taqi kasta chimpunakampi k’anantapxani, suma k’achacht’ata yänaka apsuñataki.

Elvira Espejo kullakaxa, qanañchiwa andinas comunidadanakanxa “wakicht’awinaka amtawinakapa phuqañatakixa wali respetatawa”, warminakaxa wali aski amuyt’anakampiwa sawutanakapxa wakixcht’apxixa, sasa.(PÚLSAR/IPS)